Miroslav Bogicevic, një biznesmen serb dhe ish-sponsor i Partisë Demokratike u arrestua për dyshime mashtrimi me 15 milionë euro në Bankën Privredna të zotëruar kryesisht nga shteti.
Bogicevic, pronar i MB Farmakom Concern, u arrestua së bashku me presidentin e bordit të kreditit të Bankës Privredna të hënën për dyshime abuzimi me detyrën.
Policia tha në një deklaratë se dy të dyshuarit mendohet se kanë mashtruar në Bankën Privredna me 15 milionë euro duke nënshkruar marrëveshje kredish të këqija.
Sipas policisë, si rezultat i një marrëveshje mes Bogicevic dhe bashkëpunëtorit të tij nga banka, Banka Privredna dhe kredi mashtruese te nëntë kompani nga tetori i vitit 2012 deri në mars 2013.
Të gjitha kreditë ishin nga një ose dy milionë euro dhe MB Farmakom Concern ishte një garantues te të gjitha ato. Sipas policisë, në të njëjtën ditë që kompanitë morën paratë nga banka, ato ia transferonin fondet te MB Farmakom Concern si kredi korporate.
Policia tha gjithashtu se Banka Privredna i miratoi këto kredi pa garancitë e duhura, vetëm me kambialin si siguri.
Asnjë prej kredive nuk iu shlye Bankës Privredna, sipas llogarive të policisë banka humbi 15 milionë euro, të cilat i ftoi MB Farmakom Concern sipas këtyre transaksioneve.
Banka Privredna, ku shteti zotëron 64 për qind, falimentoi në tetor 2013 për shkak të humbjeve që erdhën nga kreditë e këqija.
MB Farmakom Concern, themeluar në 1989, përfshin shtatë kompani të tjera.
Bogicevic ndihmoi financiarisht Partinë Demokratike kur ishte në pushtet. Klubi i Gazetarëve të Ekonomiksit e deklaroi atë biznesmenin e dekadës në 2011.
Rënia e tij filloi pasi Demokratët humbën pushtetin në zgjedhjet e përgjithshme të majit 2012 dhe pasi ai mori pjesë në shitjen e gazetës Politika.
Në korrik 2012, WAZ Media Group e Gjermanisë ia shiti 50 përqindëshin e aksioneve të veta të gazetës Politika, OOO East Media Group me bazë në Moskë, që e drejtonte Miroslav Bogicevic.
Në verën e vitit 2012, Partia Progresive në pushtet i akuzoi Demokratët se kontrollonin dhe përdornin gazetën për promovim të vetes. BIRN ka mësuar nga menaxherët e Politikës se tensionet ranë pasi Bogicevic ra dakord të mos ndërhynte në politikën editoriale, pas presionit nga Progresivët. Më 17 qershor të vitit të shkuar, Ljiljana Smajlovic u caktua kryeredaktorja e re e Politikës.
Që atëherë, media ka raportuar se MB Farmakom Concern e Bogicevic është në borxh të thellë, se i detyrohet para bankave, punonjësve dhe furnizuesve.
Kryeministri serb Aleksandar Vuçiç deklaroi në tetor se kompania e Bogicevic ishte një nga problemet më të mëdha të taksave në Serbi.
Burime: BIRN, B92, Tanjug
