Policia serbe po heton pretendime e hakerave anonimë se ata kanë vjedhur numra ID-je, adresa dhe numra telefoni nga të gjithë shtetasit.
Policia po heton pretendimet e një grupi hakerash të cilët besojnë se kanë të dhëna për çdo shtetas.
“Ne e kemi të gjithë Serbinë në duart tanë. Kemi pothuajse çdo informacioni për qytetarët serbë duke filluar nga numrat e kartave të identitetit deri te informacioni i punëve që bëjnë, ku jetojnë dhe numrave të telefonave,” thanë hakerat në një email të dërguar medias të enjten.
Së bashku me këtë mesazh alarmant, ata kishin bashkangjitur një pjesë të të dhënave që pretendojnë se kanë vjedhur nga databaza shtetërore.
Departamenti i policisë për krimin kibernetik tha se të dhënat e vjedhura nuk vinin nga databaza e policisë.
“Policia po heton nëse hakerat i kanë vjedhur të dhënat nga ndonjë institucion tjetër shtetëror apo nga ndonjë databazë të krijuar për mbledhje të dhënash gjatë një sondazhi,” tha policia për agjencinë serbe të lajmeve, Tanjug.
Në një email të dërguar të përditshmes Blic, hakerat thanë se kanë vjedhur të dhëna për arsye patriotike mes të tjerave.
“Policia jonë kibernetike heton vetëm hakerat serbë duke i injoruar shqiptarët,” u ankuan ata. “Tani ata do kenë një arsye të vërtetë për të kërkuar për ne, por do të humbin kohën,” shtuan hakerat.
Hakerat shqiptarë në vitet e fundit kanë acaruar nacionalistët serbë duke hyrë në faqe të institucioneve publike serbe dhe duke lënë mesazhe fyese, provokuese ose nacionaliste.
Hakerat njoftuan gjithashtu se ‘njerëzit duhet të shihnin sesa shumë ishte në rrezik privatësia e tyre’ dhe të kuptonin se ‘të gjithë informacionet e tyre ishin në duart e të tjerëve’.
“Shteti duhet të shohë dhe pas disa paralajmërimeve të KUPTOJË se mekanizmi vet i mbrojtjes është i DOBËT dhe duhet të bëjë më shumë,” paralajmëruan hakerat.