Ish-luftëtarët dhe zyrtarët vendas serb akuzohen për përfshirje në krime masive, përdhunime dhe torturim të boshnjakëve në fshatin Zecovi pranë Prijedorit në verën e vitit 1992.
Ditën e premte prokuroria akuzoi 15 të dyshuar, ish anëtarë të Ushtrisë Serbe të Bosnjes, forca policore si edhe anëtarë vendas të Komitetit të Krizës, për vrasje dhe persekutim të boshnjakëve në fshat.
Të dyshuarit janë Dusan Milunic, Radomir Stojnic, Radovan Cetic, Dusko dhe Ilija Zoric, Zoran Stojnic, Zeljko Grbic, Zoran Milunic, Bosko Grujicic, Ljubisa Cetic, Rade dhe Uroc Grujicic, Rajko Grbic, Zdravko Antonic dhe Rajko Gnjatovic.
Prokuroria tha se të dyshuarit kanë marrë pjesë në një sulm të madhe dhe sistematik kundër popullsisë boshnjake në Zecovi.
“Ata akuzohen për vrasje, abuzim, përdhunim, torturë si edhe grabitje dhe shkatërrim të pronën në Zecovi,” tha ajo.
Në sulm u vranë më shumë se 150 persona, midisi tyre gra, fëmijë dhe të moshuar. Sipas, prokurorisë, të mbijetuarit u dërguan në kampet në Omarska, Keraterm dhe Trnopolje ku disa u vranë dhe të tjerët u abuzuan.
Pesëmbëdhjetë të pandehurit akuzohen në mënyrë specifike për vrasjen e 29 burrave dhe grave në Zecovi më 25 korrik 1992. Trupat e tyre u varrosën në një varr masiv dhe nuk janë gjetur ende.
“Bazuar në regjistrimin e popullsisë në vitin 1991, pasja e këtij krimi lufte ishte se asnjë nga 701 boshnjakët rezidentë të Zecovit nuk ndenji në fshat pas luftës,” tha prokuroria.
Ajo tha se do të thërriste 100 dëshmitarë dhe ekspertë.
“Kjo është padia më e madhe e prokurorisë boshnjake përsa i takon krimeve në Pridejor, e cila mund të krahasohet edhe me kompleksitetin e çështjeve në Gjykatën e Hagës,” tha ajo.
Prokuria po kërkon gjithashtu edhe tre t dyshuar të tjerë në këtë çështje. Bëhet fjalë për Jugomir Marcetic, Miodrag Vujicic dhe Slavko Antonic. Ajo planifikon të mandate ndërkombëtare arresti.
Padia u dërgua në Gjykatën Shtetërore të Bosnjes për konfirmim.