Autoritetet serbe kanë sekuestruar një çantë që i përkiste dikur yllit të Hollivudit, mes sendeve të tjera të konfiskuara nga të dyshuarit e krimit.
Çanta e Monrosë u sekuestrua nga një i dyshuar anonim vitin e shkuar me dyshimin se u ble me të ardhura nga krimi, tha të hënën Drejtoria Serbe e Menaxhimit të Sendeve të Konfiskuara.
Drejtoria do ta mbajë çantën derisa të jepet një vendim përfundimtar për pronarin e saj.
Në 2014, Drejtoria konfiskoi gjithashtu shufra ari, piktura, ora dore dhe bizhuteri.
“Drejtoria i depoziton përkohësisht sendet e konfiskuara me vlerë historike, artistike dhe shkencore te institucionet që janë në gjendje t’i ruajnë derisa të merret një vendim për konfiskimin e përhershëm të pronës,” tha për agjencinë e lajmeve Beta, Dejan Carevic, kreu i Drejtorisë.
“Drejtoria i depoziton përkohësisht paratë dhe valutën e huaj, metalet me vlerë, gurët e çmuar dhe perlat, në Bankën Kombëtare të Serbisë,” tha ai.
Drejtoria ka konfiskuar gjithashtu 53 prona të paluajtshme, 26 automjete dhe rreth 100,000 euro nga kriminelët e dyshuar në 2014.
“Drejtoria fiton rreth 60,000 euro në muaj për dhënien me qira të këtyre pronave,” tha Carevic.
Ai shtoi se disa nga pronat iu dorëzuan organizatave të bamirësisë si Qendra për Mbrojtjen e Viktimave të Trafikimit dhe unioneve që ndihmojnë njerëzit me autizëm.
Sipas ligjit serb të sekuestrimit dhe konfiskimit të të ardhurave nga krimi, Drejtoria, që operon në mbikëqyrjen e Ministrisë së Drejtësisë, që i menaxhon deri në dhënien e një vendimi përfundimtar.
Nëse një i dyshuar shpallet i pafajshëm, shteti i kthen pronën e sekuestruar.