Të dhënat e reja nga Eurostat nuk kanë lajme të mira për Kroacinë, ekonomia e së cilës po mbetet prapa çdo fushe krahasuar me vendet e tjera të BE-së.
Të dhëna të reja nga agjencia e statistikave të BE-së, Eurostat, tregojnë se Kroacia po mbetet pas krahasuar me pjesën tjetër të BE-së në pothuajse të gjithë treguesit ekonomik, ndërsa 2015 nuk pritet të jetë më e mirë.
Shkalla e papunësisë në Kroaci, për shembull, ishte 16.6 për qind krahasuar me mesataren prej 10 për qind të BE-së.
Fqinjët ballkanas, Bullgaria e ka 11.1 për qind dhe Rumania 6.5 për qind, shkallë më pozitive.
Ish-republika Jugosllave e Sllovenisë e ka papunësinë 9.6 për qind dhe Hungaria 7.4 për qind, që janë gjithashtu në gjendje më të mirë në këtë sektor.
Kur vjen puna për papunësinë e të rinjve – nën moshën 25 vjeç – Kroacia është në krye të tri vendeve më të dobëta në BE, pas Greqisë dhe Spanjës.
Papunësia e të rinjve në Kroaci është 45.5 për qind, shumë mbi mesataren 21.8 për qind të BE-së.
Në Bullgari, 21.4 për qind e atyre që janë nën moshën 25-vjeçare janë të papunë, ndërsa në Rumani shifra është 23.3 për qind. Në Slloveni është 20.4 për qind dhe në Hungari 19.8 për qind.
PBB-ja ka rënë në Kroaci për më shumë se tre vjet radhazi, me një ulje prej 0.9 për qind krahasuar me 2013.
Parashikimet për 2015 sugjerojnë se Kroacia nuk do të shohë rritje pozitive të PBB në 2015. Për Bullgarinë, Eurostat parashikon rritje pozitive deri në 0.9 për qind.
Sllovenia pritet të rrisë PBB nga 1 deri në 1.9 për qind në 2015, ndërsa Hungaria dhe Rumania do të bëjë hapa më të mëdhenj përpara, me rritje nga 2 deri në 2.9 për qind.
