Lideri i komunitetit mysliman në Malin e Zi, Rifat Fejzic, e quajti të enjten masakrën në Paris si një akt hajvan dhe joislamik.
Kreu i komunitetit islamik të Malit të Zi, Rifat Fejzic, dënoi të enjten sulmin terrorist në Paris, ku vdiqën 12 persona.
Në të njëjtën kohë, ai kritikoi karikaturat e profetit Muhamed që pretendohet se janë arsyeja e sulmit në gazetën satirike Charlie Hebdo.
Fejzic e përshkroi sulmin të enjten si një akt hajvan që vrau njerëz të pafajshëm dhe si joislamik.
“Ka një rregull në besimin tonë, që citohet me saktësi në Kuran se kur vret një njeri, vret të gjithë botën,” raportoi media malazeze të ketë thënë Fejzic.
Teksa dënoi karikaturat e gazetës parisiene mbi Muhamedin dhe Islamin, ai tha se kjo nuk duhet të kishte sjellë kurrë në pasoja të tilla.
“Kufij duhet të vendosen mes lirisë së fjalës dhe asaj që është e shenjtë. Nëse besimi ynë e ndalon çdo formë të talljes me profetin Muhamed, atëherë kushdo që merret me të tilla çështje duhet të kuptojë se është fyese për myslimanët,” tha Fejzic.
Të enjten, zyrtarët malazezë, gazetarët dhe aktivistët e të drejtave të njeriut shprehën ngushëllimet dhe respektin për 12 viktimat e sulmit që përfshiu tetë gazetarë dhe dy policë.
Në një letër për qeverinë franceze, kryeministri malazez Milo Djukanovic e quajti atë një akt të tmerrshëm dhe të pakuptimtë që “përfaqëson një sulm mbi të gjithë ne dhe mbi vlerat demokratike që ndajmë.”