Ndërtimi i shumëpritur i kabëllit elektrik nënujor që do lidhë Italinë dhe Malin e Zi ka filluan në anën italiane të Adriatikut.
Operatori italian i sistemit të transmisionit Terna konfirmoi që ndërtimi i kabëllit nënujor do të fillojë në Itali të enjten, pavarësisht vonesave në anën tjetër të detit Adriatik prej ‘proceseve të shpronësimit’ që vazhdojnë.
Sipas marrëveshjes së nënshkruar në 2010, kabëlli 775 milionë euro do të kalojë për 395 km poshtë detit Adriatik, ndërsa 25 km shtesë do të jenë në breg.
Pjesa tokësore, 10 km në zonën Tivat të Malit të Zi dhe 15 km në zonën Peskara të Italisë, do të jetë dy metra nën tokë.
Kabëlli Tivat-Peskara, një ndërlidhje elektrike e voltazhit të lartë, pritet të lidhë Malin e Zi me Italinë në 2017 me qëllim që Mali i Zi të mund të eksportojë energji nga burime të rinovueshme në Itali.
Kundërshtarët e skemës kanë ngritur prej kohësh shqetësime mjedisore. Megjithatë, ‘ky projekt nuk do të ketë impakt negativ në mjedis’, u shpreh kompania në një deklaratë të nxjerrë të mërkurën.
Lidhja midis Italisë dhe Malit të Zi do të ketë një ndikim më të gjerë në Ballkan. Në 2011 Serbia nënshkroi një marrëveshje me Italinë për të eksportuar hidro-elektricitetin e vet përmes kabëllit.
Terna ka deklaruar gjithashtu një interes për të shtrirë kabëll që do lidhë Italinë me Kroacinë dhe Shqipërinë.
