Plenumi i studentëve, lëvizja që qëndron pas protestave të fundit masive kundër reformimit të arsimit të lartë në Maqedoni, ka paralajmëruar se mund të fillojë zaptimin e godinave të universitetit.
Studentët që kundërshtuan një ligj të miratuar së fundmi, sipas së cilit do të vendosen provime të mbikëqyrura nga shteti në përfundim të universitetit, lajmëruan se kishin arritur një marrëveshje parimore për të filluar zaptimin e godinat e kolegjit.
Megjithatë, studentët thanë se vendimi përfundimtar se cilat ndërtesa të arsimit do të zaptojnë dhe kur mbetet për t’u vendosur më vonë.
Ata thanë gjithashtu se ishin të hapur për diskutim me Ministrinë e Arsimit dhe autoritetet në përgjithësi.
“Përgatituni, i dashur kryeministër, e dashur qeveri, të dashur legjislatorë, i dashur president, rrëmbeni treguesit tuaj dhe shkoni në mësim. Plenumi i Studentëve do të fillojë të japë leksione shteti! Lufta fillon!” shkroi së fundmi grupi në faqen e tyre në Facebook pasi parlamenti miratoi në janar ligjin.
Dhjetorin e shkuar, mbi 12,000 studentë kundërshtuan planin në atë që dukej si protesta më e madhe studentore në Maqedoni prej dekadash. Atyre iu bashkuan profesorët që më vonë themeluan lëvizjen e tyre informate, Plenumin e Profesorëve.
Kritikët dhe protestuesit thonë se provimet e jashtme të detyrueshme për të diplomuarit dhunojnë autonominë e universiteteve të vendit.
Ndryshimi parashikon që të gjithë studentë të bëjnë një provim shtetëror në vitin e dytë dhe përpara përfundimit të studimeve. Organet qeveritare, jo universitetet, do të jenë në krye të provimeve.
Qeveria e Nikola Gruevski i ka shpërfillur protestat. Ajo këmbëngul se reforma do të përmirësojë cilësinë e arsimit të lartë. Gjithashtu ka fajësuar social demokratët në opozitë për protestat.
