Ministri i jashtëm rumun Bogdan Aurescu i ka shkruar homologut të tij britanik për t’iu ankuar rreth një dokumentari të ri me seri për imigrantët rumunë, që ai thotë se nxit stereotipa të dëmshëm.
Ministri i jashtëm rumun i ka shkruar zyrës së jashtme britanike, për të shprehur pakënaqësi rreth serive të reja televizive të Kanalit 4, seri të quajtura “Rumunë po vijnë.
“Ne ndjejmë keqardhje të thellë për shfaqjen e pasaktë të stereotipave mbi komunitetin rumun në Britani siç raportonte dokumentari i Kanalit 4, që paraqiste vetëm raste që nuk janë plotësisht përfaqësuese,” thoshte Aurescu në letrën për Phillip Hammond e Britanisë.
“Të tilla dokumentare mund të ndikojnë negativisht dhe padrejtësisht në imazhin e komunitetit rumun në Britani,” shtoi ai.
Ministri tha se ai mbështeste shtetasit rumunë që protestuan në Londër të dielën kundër serive të Kanalit 4.
Rreth 200 njerëz mbajtën një protestë në heshtje përpara studiove të Kanalit 4 në protestë kundër atij që e quajtën një portretizimin të padrejtë të rumunëve si kriminelë.
Kryeministri Viktor Ponta ka shprehur solidaritet me protestuesit dhe mbi 4000 njerëz kanë nënshkruar një peticion që kërkon pezullimin e serive të dokumentarit ose kthimin në program të drejtë dhe pa paragjykime.
Kanali 4 transmetoi episodin e parë të serive më 17 shkurt. Ai përqendrohet mbi Aleksin, një imigrant rumun që fle në një makinë të parkuar pranë stacionit Viktoria të Londrës dhe ndihmon të mbërriturit e rinj të sistemohen në Londër.
Episodi gjithashtu shfaqi jetën e romit cigan të quajtur Sandu i cili po përpiqet të sistemohet në qytetin e Liverpulit por nuk flet shumë anglisht.
Jo të gjithë rumunët e mbështetën fushatën kundër Kanalit 4.
“Ne nuk duam që anglezët të na shfaqin të veshur me gjë tjetër veç kostumit… por këto protesta janë thjesht sedër e lënduar nga njerëzit që jetojnë në një botë fantazie”, shkroi gazetari Liviu Iolu në gazetën Adevarul.
Imigracioni nga vendet më të reja të BE-së në Europën Lindore është bërë një çështje e nxehtë politike në Britani.
Observatori i Migrimit, një thinj-tank i lidhur me universitetin e Oksfordit, tha muajin e shkuar se numri i rumunëve dhe bullgarëve që jetojnë në Britani është rritur nga 250 mijë.
Problemi ka gjasa të ketë prioritet në axhende gjatë fushatës elektorale të zgjedhjeve të përgjithshme në vend, ku partia e krahut të djathtë, Pavarësia e Britanisë pritet të fitojë mbështetje prej platformës së vet anti-imigracion dhe anti-BE.