Ndërsa grekët po vuajnë pasojat e pesë viteve recesion dramatik, kryeministri i tyre Alexis Tsipras po përballet në Bruksel me partnerët Europianë, të cilët i thanë se po u soset durimi ndërsa Greqia mund të mbetet pa para brenda pak javëve.
Parlamenti i Greqisë miratoi të mërkurën e kaluar një ligj për të luftuar varfërinë, përmes të cilit do të disbursojë rreth 200 milionë euro ndihma për familjet e papuna që konsiderohen se janë në kushtet e “varfërisë ekstreme”.
Por udhëheqësit e Eurozonës i thanë qeverisë Greke se durimi i tyre po mbaron dhe se qeveria e Tsipras duhet të zbatojë reformat për të cilat ka rënë dakord. Përndryshe, Greqia rrezikon të mbetet pa para brenda pak javësh, duke hyrë në një situatë të paprecedent, ku ose do të funksionojë si ekonomi pa sistem bankar ose do të detyrohet të dalë nga Euro dhe të prodhojë një monedhë të re.
Grekët janë duke tërhequr një pjesë të depozitave të tyre nga bankat me shpresë se eurot e thata do të vuajnë vlerën e tyre në rast se Greqia del nga monedha e përbashkët. Në Bruksel, sot udhëheqësit e Eurozonës mbërritën për një samit, i cili po përqendrohet tërësisht mbi çështjen e Greqisë dhe ku pjesa dërrmuese e drejtuesve të shteteve po i përsërit Greqisë detyrimin për të zbatuar marrëveshjet e arritura me një gjuhë të paprecedent.
“Ajo që më trondit mua nuk është që Greqia po përpiqet të ndihmojë të varfrit. Ajo që ne kërkojmë është që Greqia të detyrojë të pasurit të paguajnë taksa,” tha presidenti i Francës Francois Hollande.
Presidenti i Parlamentit Europian Martin Schulz tha se situata e Greqisë është “e rrezikshme”. Zyrtarët e BE-së duket se janë zemëruar edhe për faktin që ligji për ndihmën sociale u miratua në Greqi pa konsultime paraprake me kreditorët.
