Opozita maqedonase publikoi përgjime të tjera, që sipas saj provojnë se kryeministri Gruevski është përfshirë në blerjen me mashtrim të një toke të mirë.
Në serinë e 13-të të konferencave për shtyp që ka shkaktuar një skandal madhor të përgjimeve në Maqedoni, opozita publikoi të hënën më shumë përgjime të atyre që sipas saj janë zërat e Gruevskit dhe ministrit të transporteve Janakieski teksa diskutojnë detajet e një skeme të paligjshme për të shtënë në dorë një ndërtesë të madhe në një zonë elitë në Shkup.
Përgjimet provojnë se ‘Gruevski gënjeu’ kur mohoi së fundmi për ndonjë pronë të dyshimtë, pretendoi lideri i opozitës Social Demokrate, Zoran Zaev. Gjashtë nga përgjimet e reja pretendohet se bëjnë fjalë për Gruevskin që pyet Janakieskin në detaje rreth një cope të madhe toke mbi zonën rezidenciale elitë të Shkupit në në malin Vodno, që ai pretendohet se planifikon ta marrë vetë.
Më vonë Gruevski instrukton Janakieskin si të përshpejtojë procesin e ndryshimit të rregullimeve urbane të përgjithshme dhe lokale për tokën 11,500 metra katrorë që të bëhet më fitimprurëse. Qëllimi është të bëhet zona kodrinore fillimisht e ruajtur për hapësirë të gjelbër për kënaqësi në një vend ku mund të ndërtohen ndërtesa shumëfunksionale.
“Po shikoj versionin e vjetër dhe të ri të planit urban. Tani është në rregull,” thotë ai që pretendohet të jetë zëri i Gruevskit. Janakieski përgjigjet se plani është ‘korrigjuar në maksimum’.
Më vonë Gruevski shfaqet teksa i thotë Janakieskit të përshpejtojë miratimin e planit të ri në kadastër dhe komuna ‘deri në prill’ që ndërtimi të fillojë në vjeshtë.
“Duhet t’ia them personalisht? Do të them se Mile Janakieski ka ndërhyrë. Shikoje nëse mundesh, është për një mik tëndin,” thotë zëri i Gruevskit, të cilit Janakieski i përgjigjet “Dakord”.
“Pra kjo është maja e zonës urbane dhe askush nuk mund të ndërtojë mbi ne? Nëse është kështu do ta blejmë,” thotë Gruevski. “Mirë atëherë. Do të jap një ofertë të mirë,” i përgjigjet Janakieski.
Opozita fillimisht e akuzoi Gruevskin për korrupsion me pronat e paluajtshme në Shkup në një tjetër konferencë për shtyp tetë ditë më parë. Atëherë Zaev prezantoi diagramët e ndryshimit të planit urban që ai thotë se janë ndryshuar sipas dëshirave të kryeministrit, si dhe veprat e pronësisë që tregojnë sesi ngastrat e tokës janë blerë nga kompani të jashtme që janë të afërta me Gruevskin në Lugano në Zvicër dhe Belize në mënyrë që të ruhet pronësia e tyre e vërtetë.
Gruevski u përgjigj me një deklaratë për shtyp ku ai këmbënguli se nuk ka pronë tjetër veç atyre që i ka paraqitur Komisionit Shtetëror Anti-Korrupsion. Të tjera përgjime të publikuara në konferencën e së hënës, zbulojnë Gruevskin dhe Janakieskin teksa komplotojnë për tu hakmarrë kundër një ish-aleati politik, Fijat Canovski, që dyshohet se i ka kthyer kurrizin, duke ndaluar ndërtimin e një ndërtese të lartë në Shkup, që më pas u pezullua nga inspektimet.
Ai që paraqitet si zëri i Gruevskit i pranon Janakieskit se ai kishte gënjyer Canovskin se kishte disa probleme me projektin e tij dhe se ai do të bënte ç’të mundej për ta ndihmuar. Në përgjim, zëri i Grueskit qesh, duke u kënaqur me përvojën e hidhur të politikanit të mashtruar.
“Ai më thotë – Nuk mund të fle më! Gati më erdhi keq për të!,” thotë ai duke qeshur. Më pas dy politikanët komplotojnë si të gjejnë pika të dobëta ligjore në projektet e Canovskit që ai të mos i hedhë në gjyq bashkiakët vendas nga partia qeverisëse VMRO DPMNE që kanë bllokuar ndërtimin.
Në shkurt, opozita publikoi një bisedë ku Gruevski i thotë Janakieskit të shembi një ndërtesë të zotëruar nga Canovski. Ky ishte një lider i një partie të vogël që mbështeste financiarisht A1 TV në 2011, televizionin e parë privat në Maqedoni që u mbyll pasi filloi të kritikonte ashpër qeverinë e Gruevskit. Pronari i televizionit, Velija Ramkovski u burgos për evazion fiskal në të njëjtin vit.
Pas zgjedhjeve të vitit 2011, ndërtesa e Canovskit u shemb dhe opozita publikoi muajin e shkuar përgjime ku Gruevski dhe Janakieski akuzohen se diskutuan të gjithë skenarin.
SDSM ka akuzuar kryeministrin dhe liderin e partisë qeverisëse Gruevski se ka orkestruar mbikëqyrjen e 20,000 njerëzve.
SDSM thotë se e ka marrë materialin nga burimet brenda shërbimeve sekrete maqedonase. Gruevski ka këmbëngulur se përgjimet janë krijuar nga shërbime të huaja në bashkëpunim me opozitën që të destabilizojnë vendin.