Pasi dogji publikisht flamurin kroat, i pandehuri serb për krime lufte Vojisllav Sheshel e provokoi edhe më tej Zagrebin duke thënë se ai dëshironte të kthehej në Kroaci “ i armatosur, mbi një tank”.
Lideri i Partisë Radikale Serbe Sheshel ditën e enjte vazhdoi retgorikën e tij nacionaliste, e cila ai tha se synonte të provokonte Kroacinë, një ditë pasi Zagrebi tërhoqi ambasadorin e tij nga Beogradi në shenjë proteste ndaj incidentit të djegies së flamurit.
“Një ditë do të shkoj në Kroaci, i armatosur, mbi një tank, për të çliruar Republikën e Krajinës Serbe ( një shtet i vogël serb që ekzistoi për një kohë të shkurtër gjatë luftës së viteve 1990),” tha Shesheli në një intervistë me gazetën boshnjake “Dani”.
Ministria e jashtme e Kroacisë tha të mërkurën se “gjuha e urrejtjes, retorika e luftës dhe simbolet” e Sheshelit po dëmtonin marrëdhëniet në rajon, tërhoqi ambasadorin e saj për konsultime dhe atë që atë që ajo e quajti “një protestë të fortë” ndaj të ngarkuarit serb me punë në Zagreb.
Shesheli organizoi në Beograd një protestë ku dogji flamurin kroat, pasi gjykata e krimeve të luftës në Hagë revokoi lirimin e tij të përkohshëm për t’u kuruar nga kanceri dhe e urdhëroi atë të rikthehet në paraburgim në Hollandë para marrjes së vendimit për gjyqin e tij.
Lideri i Partisë Radikale Serbe ka deklaruar vazhdimisht megjithatë se ai nuk do të kthehet vullnetarisht dhe ka sfiduar autoritetet e Beogradit ta kthejnë atë atje me forcë.
Ministri i brendshëm kroat Ranko Ostojic tha në një seancë qeveritare ditën e enjte se administrata serbe “duhet të respektojnë vendimet e Gjykatës së Hagës, njësoj siç ka bërë Kroacia”.
Zyra e prokurorit në Beograd ka nisur procedime penale kundër Sheshelit për djegien e flamurit – një lëvizje kjo që u mirëprit nga Zagrebi.
Kryeministri serb Aleksandër Vuçiç, një ish-anëtar i lartë i partisë së Sheshelit, është përpjekur ta shfaqë incidentin si një akt ekstremist pa përfaqësim parlamentar.
“Fotografitë e flamurit duke u djegur janë imazhe të këqija nga Beogradi dhe ne mundet të themi vetëm se kjo gjë s’ka lidhje me shtetin,” tha Vuçiç ditën e enjte.
Megjithatë edhe komentet e ministrit serb për mirëqenie sociale, Aleksandër Vulin, kanë zemëruar edhe Kroacinë.
Vulin ditën e mërkurë i bëri thirrje kryeministrit kroat Zoran Milanoviç të vijë në Serbi dhe të takojë “250,000 njerëzit e dëbuar gjatë Operacionit Stuhia” – një ofensive ushtarake nga forcat e Zagrebit në gusht të vitit 1995, e cila mori mbrapsht territorinserb në Kroaci, por shkaktoi eksod masiv të serbëve të Kroacisë.
“Ejani dhe shpjegojini serbëve që u dëbuan dhe vizitoni disa nga varret tanë,” tha Vulin.
Vulin po reagonte ndaj deklaratës Milanoviçit se Shesheli “ishte një nga njerëzit më përgjegjës për luftën në ish-Jugosllavi dhe për agresionin kundër Kroacisë”.
Ministri i veteranëve të luftës në Kroaci Kroacisë Predrag Matic iu përgjigj me zemërim komentit të Vulinit, duke sugjeruar se ai duhet të kërkojë trajtim mjekësor, duke lënë të kuptohet se ai është i sëmurë mendërisht.
Vulin u përgjigj se “ndoshta ekziston ndonjë ilaç për mua, por ministri i veteranëve të luftës Matic nuk do ta kurojë dot kurrë ustashën që është brenda tij”, duke e identifikuar Maticin me regjimin nazist Luftës së Dytë Botërore aleat të Kroacisë.
Që prej lirimit të përkohshëm të Sheshelit për arsye shëndetësore në nëntor të vitit të kaluar, politikanë kroatë kanë bërë thirrje në mënyrë të vazhdueshme që ai të rikthehet në paraburgim.
Dhoma e apelit në Gjykatën Penale Ndërkombëtare për ish-Jugosllavinë vendosi ditën e hënë se ai duhet të kthehet në paraburgim për shkak se ai kishte shkelur kushtet e lirimit të tij.
Që prej kthimit të tij në Beograd, ai ka udhëhequr protesta nacionaliste dhe ka bërë një sërë deklaratash të ashpra që kanë zemëruar viktimat e luftës.
Shesheli ka qenë në paraburgim që prej vitit 2003, kur u dorëzua në mënyrë vullnetare. Ai po gjykohet për krime lufte në Bosnje, Kroaci dhe Serbi.
Vendimi për çështjen e tij ishte programuar të merrej në tetor të vitit 20013, por u shty pasi një nga gjykatësit në gjyqin e tij u hoq nga çështja se dyshohej për njëanshmëri.
Gjykatësi i ri pritet të marrë kohë të paktën deri në fund të qershorit 2015 për t’u familjarizuar me detajet e çështjes, duke shkaktuar kështu edhe një tjetër vonesë në gjyqin maratonë.
