Një studim nga UNICEF tregon se rreth një e treta e grave në Kosovë thonë se bashkëshorti i tyre do të kishte të drejtën t’i rrihte nëse ato i digjnin vaktin, refuzonin të bënin seks apo largoheshin nga shtëpia pa leje.
Një studim i kryer nga Agjencia e Statistikave të Kosovës ASK dhe UNICEF sugjeron se pothuajse gjysma e grave në Kosovë janë ta gatshme të justifikojnë dhunën mashkullore kundrejt femrave – ndonjëherë për arsye të parëndësishme si djegia e gjellës.
Mbi 42 për qind e grave kosovare, të pyetura nëse do ta justifikonin dhunën direkte ndaj tyre në disa situata, thanë ‘Po’.
Krahasuar me shtetet e tjera në rajon, studimi sugjeron se femrat në Kosovë kanë një tolerancë të larta të dhunës fizike mashkullore krahasuar me shoqëritë fqinje si Mali i Zi dhe Serbia.
Të dhënat e mbledhura nga përfundimet e MICS janë kryer prej UNICEF në Kosovë gjatë periudhës 2013-2014.
Igballe Rogova, drejtore e Rrjetit të Grave të Kosovës KËN, tha se problemi nuk ishte vetëm sjellja e burrave, por edhe ndërgjegjësimi i pakët i grave.
“Ne shpesh dëgjojmë deklarata si: ‘Ajo e meritoi të merrte një të rrahur nga burri’. Ndaj ne po përballemi me një problem të vërtetë,” tha Rogova.
Ajo tha se studimet kanë treguar gjithashtu se arsyeja kryesore e shpeshtësisë së madhe të dhunës ishte situata e vështirë sociale dhe ekonomike e vendit. “Shkaku kryesor i dhunës në familje është shkalla e lartë e papunësisë” tha Rogova.
Gratë e analizuara thanë se ato ishin të gatshme të justifikonin dhunën për arsye të ndryshme. Rreth 33 për qind e atyre të moshës 15-49 vjeçe thanë se një burrë kishte të drejtë ta rrihte gruan, nëse ajo largohej nga shtëpia pa i thënë, neglizhonte fëmijët, nëse kishin grindje, nëse ajo refuzonte të bënte seks apo digjte gjellën.
Nëse të tjera ‘gabime’ i shtohen listës, shkalla e tolerancës së dhunës mashkullore mbi femrat në Kosovë rritet në 42.4 për qind, si në situata ku ‘ajo nuk kujdeset për punët e shtëpisë dhe pastrimin, nuk kujdeset për prindërit e burrit dhe merr vendime në familje pa e pyetur atë’.