MRJ do të jetë avioni që synon të bëjë këtë vend prodhues për transportin ajror civil për herë të parë që nga vitet 1960.
Mekanikët e Mitsubishi Aircraft Corp., po punojnë për ndërtimin e një avioni të transportit civil me rreze të mesme në fabrikën e kësaj kompanie në Tojojama në qendër të Japonisë. Fabrika mbahet në kushte të rrepta sigurie për të shmangur vjedhjen e sekreteve industriale. Mitsubishi, kompania që gjatë luftës së Dytë Botërore prodhoi avionin e famshëm gjuajtës Zero, po lufton për të ndërtuar avionin e destinuar për të konkurruar disa modele të gjigandëve ndërkombëtarë Bombardier dhe Embraer me synimin për të rikthyer Japoninë në statusin e një fuqie madhore në fushën e aviacionit, status që e ka humbur prej dekadash. Kompania njoftoi më 10 prill se udhëtimi i provës për acionin e ri MRJ do të shtyhet për disa muaj këtë vit por kjo nuk do të vonojë plotësimin e porosive të klientëve në kohë.
Ky avion pritet të kushtojë 34 deri në 42 milionë dollarë sipas specifikimeve dhe do të ketë kapacitet nga 70 deri në 100 pasagjerë. Japonia tentoi të prodhojë avionë komercialë të tillë për herë të fundit në vitet 1960 por ato avionë rezultuan dështim ekonomik.
Programi i zhvillimit të avionit aktual kushton 1.9 miliardë dollarë dhe Mitsubishi shpreson se do të jetë në gjendje të shesë 300-400 avionë të tillë për të rikuperuar investimin e vet.