Shumë civilë dhe policë raportohen të plagosur pasi policia maqedonase deklaroi se po lufton me një grup të armatosur të paidentifikuar në një lagje të banuar nga shqiptarët në qytetin e Kumanovës. Tensioni është i lartë edhe në Shkup ku priten mitingje dhe kundërmitingje nga opozita dhe qeveria e Gruevskit.
Policia maqedonase bllokoi një lagje të banuar nga shqiptarët dhe filloi kontrollin shtëpi më shtëpi ndërkohë që një pjesë e banorëve janë shpërngulur nga shtëpitë e tyre gjatë ditës së sotme në Shkup.
Nëpër rrugët e Kumanovës policia po ndalon qytetarët shqiptarë duke i kërkuar kartat e identitetit, pavarësisht se disa nga të ndaluarit duken në foto si njerëz civilë, të paarmatosur dhe të moshuar.
