Ambasadorët perëndimorë i kanë shprehur Gruevskit zhgënjimin e tyre për dështimin e hetimeve të akuzave të opozitës.
Pas takimit me kryeministrin maqedonas Nikola Gruevski të hënën, ambasadorët e SHBA-së, Francës, Britanisë, Gjermanisë dhe BE-së shprehën shqetësimin rreth mungesës së progresit në hetimin e shkeljet e qeverisë të ngritur nga bisedat e përgjuara të zyrtarëve.
“Ky mosveprim i vazhdueshëm ngre mosbesim serioz mbi zotimin e qeverisë maqedonase ndaj parimeve demokratike dhe vlerave të komunitetit Euro-Atlantik,” tha ambasadori amerikan Jess Baily, për median.
“Dështimi i vazhdueshëm në tregimin e këtij zotimi me veprime konkrete do të pengojë progresin e Maqedonisë drejt BE dhe anëtarësimin në NATO,” shtoi ambasadori.
Ambasadorët i thanë Gruevskit se nëse zbulimet nga opozita zbulojnë sjellje të papranueshme, ata presin masa të duhura politike dhe ligjore ndaj përgjegjësve.
Që nga shkurti, opozita ka zbuluar bisedat e përgjuara që shfaqin qeverinë të përfshirë në disa manipulime elektorale në fusha të ndryshme të shtetit dhe në mbulimin e vrasjes së një të riu nga një oficer policie.
Zbulimet kanë nxitur protesta të mëdha anti-qeveritare dhe kanë rritur presionin që Gruevski të japë dorëheqjen.
Megjithatë, Gruevski që është në pushtete prej nëntë vitesh, këmbëngul se përgjimet janë krijuar nga agjenci të huaja sekrete dhe i janë dhënë opozitës për të destabilizuar vendin.
Ambasadorët propozuan reforma specifike që përfshijnë forcimin e integritetit të sistemit elektoral, pavarësinë e gjyqësorit dhe të medias dhe mbrojtje të informatorëve.
Përfaqësuesi amerikan i ka kujtuar qeverisë se e mbështet të drejtën e qytetarëve për protesta paqësore dhe ka dënuar çdo dhunë. Tërheqja e vëmendjes nga ambasadorët erdhi pas një fundjave të përgjakshme në Kumanovë, ku mendohet se humbën jetën tetë oficerë dhe të paktën 14 persona të armatosur.
Kriza e armatosur ndërpreu protestat anti-qeveritare dhe hoqi vëmendjen nga skandali i përgjimeve. Kjo bëri që kundërshtarët e qeverisë ta akuzojnë atë se është përpjekur të shpërqendrojë publiku nga kriza duke orkestruar trazira etnike.
Megjithatë, Zaev ka thënë se përgatitjet për një protestë në Shkup më 17 maj do të qëndrojnë dhe se ngjarjet në Kumanovë nuk do ta ndalojnë atë nga publikimeve i shkeljeve të tjera të qeverisë.
Një ish shef policie, Goran Mitevski, tha në një intervistë se duket e palogjikshme që një grup i madh personash të armatosur të mund të hyjnë në vend me mjete aq të rënda dhe të kalojnë pa u vënë re nga forcat e sigurisë. Ai ngriti gjithashtu pyetjen përse autoritetet vendosën ta sulmojnë grupin në një zonë me popullsi të lartë si Kumanova duke vënë në rrezik jetën e civilëve.
Gruevski nga ana e tij ka kërcënuar se kushdo që do t’i bëjë keq vendit do të përfundojë si grupi terrorist.
