Performues nga vetëm pesë shtete të Ballkanit po konkurrojnë për Kompeticionin e Këngës Eurovizion në Vjenë – gjysmëfinalet e të cilit do zhvillohen këtë javë.
Performues nga Maqedonia, Serbia, Shqipëria dhe Rumania do të marrin pjesë në gjysmë finalen e parë të Eurovision 2015 të martën në Vjenë, ndërsa përfaqësuesi malazez do të ngjitet në skenë në gjysmëfinalen e së enjtes.
Ndonëse kompeticioni i këngës Eurovizion nuk është më aq i njohur në Europën Perëndimore, për Europën Lindore dhe Ballkanin është ende një ngjarje e madhe.
Ndasitë midis disa vendeve të këtyre shteteve mbeten ende gjallë, por në festivalin e përvitshëm pan-Europian të këngës, fansat nga çdo vend priren të mbështesin këngët e fqinjëve të tyre në televotim.
I pari këngëtar nga Ballkani që do të ngjitet në skenë do të jetë Daniel Kajmakoski nga Maqedonia. Ai u bë i njohur pasi mori pjesë në X Factor Adria në 2013.
Bojana Stamenov, një këngëtare e njohur souli dhe xhazi, do të prezantojë Serbinë. Stamenov gjithashtu arriti në finalen e konkurrimit televiziv serb “Unë kam talent” në vitin 2012. Ajo do të performojë në anglisht, që është e pazakontë për përfaqësuesit serbë në Eurovision, që kanë kënduar deri më tani në gjuhën e tyre vendase.
Shqipëria do të përfaqësohet në Eurovision 2015 nga Elhaida Dani me këngën “I’am Alive”. Dani ka fituar të drejtën për të përfaqësuar Shqipërinë pasi fitoi Festivalin e Këngës në dhjetor 2014 me këngën “Diell”.
Ajo këngë u zëvendësua me “I’m Alive” pasi kompozitori Aldo Shllaku e tërhoqi nga Eurovision. Një këngëtare e vlerësuar si në Shqipëri dhe në Itali, ajo fitoi talentshoun e vitit 2013 “The Voice of Italy”.
Banda Pop-rock Voltaj është përzgjedhja e këtij viti për Rumaninë. Kënga e tyre “De la capat” (“Edhe një herë”) është rreth fëmijëve në Rumani të cilët ribashkohen me prindërit e tyre që punojnë jashtë shtetit. Voltaj ka prodhuar nëntë albume dhe shumë hite në Rumani.
Këngëtari i popit Knez është përfaqësuesi i këtij viti për Malin e Zi dhe për këngën e tij “Adio” në Eurovision ai ka bashkëpunuar me kompozitorin serb, Zeljko Joksimovic.
Kënga e tyre u përzgjodh përmes një selektimi të brendshëm të organizuar nga RTCG malazeze.
Vendet që do arrijnë në finale do të konkurrojnë për vendin e parë më 23 maj.
Bullgaria, Kroacia dhe Bosnja nuk po marrin pjesë në festivalin e këtij viti. Bosnja deklaroi se nuk po merrte pjesë prej mungesës së fondeve.
