Një studim gjerman vlerësoi 41 shtete në bazë të treguesve të qeverisjes, por ky nuk rezultoi lajm i mirë për katër shtetet ballkanike të pranuara në BE.
Rumania dhe Kroacia janë dy nga shtetet më të keqqeverisura në Europë sipas një studimi të ri nga projekti i Indikatorëve e Qeverisjes së Qëndrueshme të Bertelsmann Stiftung.
Platforma analizoi 41 shtete europiane dhe të Organizatës për Bashkëpunim dhe Zhvillim ekonomik në gjashtë sektorë: ekonok, politika sociale dhe mjedisore, cilësinë e demokracisë, kapacitetin ekzekutiv dhe llogaridhënien ekzekutive.
Kundrejt një mesatareje të BE prej 6.2 pikësh ku 10 ishte më e mira dhe 1 pozicioni më i keq, Rumania shënoi një klasifikim prej 4.48 pikësh, Kroacia 4.82, Bullgaria 5.1 dhe Sllovenia 5.32. Vetëm Qipro ishte më poshtë në shkallën e renditjes me vlerësimin 4.3.
Megjithatë, politikat ekonomike të Kroacisë nuk morën miratim nga renditja e SGI, dukë shënuar 3.9 pikë nga mesatarja 5.7 e BE-së. Qipro u vlerësua me një normë 4.1, Bullgaria, 4.4 dhe Rumania 4.7 në këtë kategori.
E vetmja zonë ku shtetet e Ballkanit dolën relativisht mirë ishin politikat mjedisore. Kundër një mesatareje prej 6.4 të BE-së, Kroacia arriti vlerësimin 6.1, Bullgaria 6.2, Rumania 6.3 dhe Sllovenia 6.9.
Të katërtat shtete ballkanike në BE dolën keq në kapacitetin ekzekutiv, ndërsa në kuptimin e demokracisë vetëm Sllovenia doli më mirë në Ballkan. Katër shtetet skandinave si Danimarka, Finlanda, Suedia dhe Norvegjia dolën më mirë me pikë krahasuar me vendet e tjera.