Gjykata Speciale e Beogradit për Krimin e Organizuar dënoi me 20 vite burg në vendimin e shkallës së parë Darko Sariç. Ai akuzohet për trafikim kokaine nga Amerika Latine.
Përveç Sariç, gjykata e Beogradit burgosi rreth 30 të pandehur, 14 prej të cilëve janë ende në arrati.
Pasi u shpall fajtor për kontrabandë të më shumë se pesë tonëve kokainë nga Amerika e Jugut në 2008 dhe 2009, anëtarët e bandës morën dënime që nga pesë muaj deri në 20 vjet secili.
Ky ishte një vendim i shkallës së parë dhe si akuza, ashtu edhe prokuroria mund të apelojë.
Avokati i Sariç, Radoslav Bacoviç tha se ai do ta apelonte vendimin për klientin e tij duke shtuar se Sairç nuk mori pjesë në dhënien e dënimeve për arsye personale.
Gjatë gjyqit, tre të akuzuarit, Drasko Vukoviç, Radan Adamoviç dhe Nebojsa Joksoviç, morën statusin e dëshmitarit të brendshëm dhe nuk do të dënohen sepse dëshmuan kundër të pandehurve të tjerë.
Prokurorët ngritën akuza kundër Sariç dhe partnerëve të tij në prill 2010 dhe një mandat për arrestin e tij u lëshua.
Sariç fillimisht u gjykua në mungesë derisa u dorëzua te autoritetet serbe më 18 mars 2014. Ai kishte qenë në arrati që nga viti 2010.
Në gjyq, Sariç e shpalli veten si jo fajtor, duke pretenduar se nuk kishte prova për akuzat kundër se ai kishte organizuar kontrabandë kokaine nga Amerika Latine.
Ai e quajti procesin politikisht të motivuar, duke argumentuar se çështja kundër tij ishte inskenuar nga zyrtarët e ish-qeverisë të drejtuar nga Partia Demokratike dhe ish-zyrtarët e lartë të policisë.
Sariç tha se ata donin që ai të akuzonte qeverinë malazeze për krime lufte gjatë gjyqit sepse atëherë kishte marrëdhënie të këqija mes dy shteteve.
Megjithatë, ai nuk ia doli të paraqiste prova në favor të akuzave të tij kundër politikanëve dhe zyrtarëve të policisë.
Ministri i brendshëm serb, Nebojsa Stefanoviç deklaroi në Malin e Zi më 16 mars se policia serbe nuk e kishte mbyllur hetimin për bashkëpunëtorët e tij dhe tha se do të bënte ç’të ishte e mundur t’i zbulonte ata kushdo që të ishin.
Gjyqi i Branko Lazareviç, ish-shefi i stafit të ministrit të brendshëm serb, ka filluar më 7 maj në Beograd me akuzat e zbulimit të informacionit konfidencial te banda e Sariç.
