Lideri i mundshëm i partisë opozitare në Britani është përballur me pyetje nga kritikët pas deklaratave të “gjenocidit të rremë” në Kosovë.
Burri që mendohet se do të bëhet lideri i ardhshëm i partisë kryesore opozitare në Britani, Partisë Laburiste, po përballet me pyetje rreth pikëpamjeve të tij mbi Kosovën, mes shumë çështjeve të politikës së jashtme.
Favoriti i krahut të majtë, Jeremy Corbyn ka hasur tashmë kritika për përdorimin e fjalës “miq” për të përshkruar Hamasin dhe Hezbollahun dhe për mbështetjen e tij të zjarrtë për çështjen palestineze në përgjithësi dhe entuziazmin e barabartë për regjimin në Venezuelë.
Së fundmi, blogerët kritikë dhe gazetarët e kanë vënë atë në shënjestër pasi duket se ka shpërfillur krimet e luftës së serbëve në Kosovë si shpikje.
Në vitin 2004, Corbyn, anëtar i parlamentit për një zonë elektorale në Islington në Londrën veriore, nënshkroi një mocion parlamentar vlerësoi një artikull të gazetarit majtist John Pilger “që i kujtonte lexuesit për koston njerëzore shkatërrimtare të të ashtuquajturit pushtim humanitar i Kosovës, drejtuar nga NATO dhe Shtetet e Bashkuara në pranverën e 1999, pa asnjë ndëshkim nga Këshilli i Sigurisë së Kombeve të Bashkuara dhe uronte John Pilger për ekspozimin që i bëri justifikimeve mashtruese të ndërhyjes në një “gjenocid” që nuk ekziston kurrë në Kosovë”.
Corbyn është në avantazh të marrjes së drejtimit të Partisë Laburiste, duke shkaktuar një valë zhgënjimi mes aktivistëve të partisë me të ashtuquajturit kandidatë të partisë dhe ka shkaktuar një ndjesi të keqe rreth dy humbjeve të njëpasnjëshme të zgjedhjeve të përgjithshme.
Gjashtëdhjetë e gjashtë vjeçari ka bërë thirrje për braktisje të politikave të kursimit, kthim në normat socialiste të ekonomisë dhe në politikën e jashtme ka bërë thirrje për prishje të mbështetjes thuajse pakushte të Laburistëve për SHBA-në.
Ndryshe nga laburistët e qendrës – të cilët e mbështetën fuqishëm ndërhyrjen e NATO-s në Kosovë për të ndaluar spastrimin etnik të regjimit të Sllobodan Millosheviç në Beograd, të majtët e partisë e kundërshtuan veprimin ushtarak perëndimor, ku disa kanë mbrojtur pikëpamjen se Millosheviç ishte viktimë e një komploti imperialist amerikan.
