Numri i viktimave që vdiqën nga zjarri në klubin e natës në Rumani ka shkuar në 46, ndërsa ish-kryebashkiaku është arrestuar për t’u gjykuar për përgjegjësinë.
Trembëdhjetë persona të tjerë vdiqën gjatë fundjavës prej plagëve të marra nga e djegura pas një zjarri që filloi prej fishekzjarrëve në klubin e natës Colectiv në Bukuresht më 30 tetor, duke e çuar numrin e tragjeditë në 46.
Teksa protestat që ia hedhin vajin korrupsionit zyrtar vazhduan edhe të dielën, autoritetet thanë se ditët e ardhme do të ishin vendimtare për pacientët që janë plagosur rëndë.
“Shtatë ditët e ardhshme do të jenë më të vështira në lidhje me trajtimin e të plagosurve,” tha ministri i shëndetësisë Nicolae Banicioiu të shtunën.
Ka edhe 100 persona të tjerë në spital të cilët vuajnë nga djegiet e rënda, thithja e tymit dhe dëmtime të tjera. Rreth 45 prej tyre janë në gjendje kritike.
Rumania ka filluar t’i çojë viktimat e zjarrit për trajtim në klinika jashtë shtetit, në Austri, Belgjikë, Izrael dhe Holandë. 20 prej tyre u dërguan jashtë shtetit gjatë fundjavës.
Javën e ardhshme, spitalet në Norvegji, Francë, Britani të Madhe dhe Gjermani do të marrin disa nga viktimat e zjarrit nga Rumania. Një avion i NATO-s mbërriti në Bukuresht të dielën për të ndihmuar me transportimin.
Qeveria rumune do të mbulojë kostot për të gjithë pacientët e mjekuar jashtë.
Në një zhvillim të lidhur, Cirstian Popescu Piedone, kryetar i distriktit ku ndodhej klubi i natës, u arrestua të shtunën, së bashku me dy punonjës të bashkisë, për dhënien e lejes pa u autorizuar nga zjarrfikësit. Kryebashkiaku hoqi dorë javën e shkuar, duke thënë se ishte fajtor moralisht për zjarrin.
Ndërkohë, mijëra protestues u mblodhën të dielën në mbrëmje për natën e gjashtë resht, duke bërë thirrje për qeverisje më të mirë dhe për t’i dhënë fund korrupsionit.
President Klaus Iohannis, që vizitoi protesutesit të dielën në mbrëmje, do të vazhdojë këtë javë këshillimet me partitë politike për të dominuar një kryeministër të ri pas dorëheqjes së Viktor Pontës të mërkurën.
26 persona humbën jetën më klub më 30 tetor pas një zjarri të një koncerti.
