Kryetari i Srebrenicës Camil Durakoviç konfirmoi se kishte marrë 2 milionë eurot që iu premtuan në formë ndihme nga kryeministri serb Aleksandër Vuçiç gjatë vizitës së tij javën e kaluar.
Durakoviç tha të hënën se fondet e premtuara nga Vuçiç, pjesa e parë e asaj që kryeministri serb tha se ishte një paketë ndihme për zhvillim prej pesë milion dollarësh, kishte mbërritur siç ishte premtuar.
“Paratë janë depozituar në llogarinë tonë bankare,” tha Durakoviç për mediat lokale.
“Ato katër milionë marka (dy milionë euro) do të shkojnë direkt në buxhetin tonë publik. Një pjesë e kësaj shume do të përdoret direkt për të financuar deficitin në buxhetin e këtij viti të shkaktuar nga përmbytjet e vitit të kaluar, ndërsa pjesa tjetër do të përdoret për zbatimin e disa projekteve infrastrukturore duke filluar nga viti i ardhshëm,” tha ai.
Pjesa e mbetur prej 3 milionë eurosh do të përdoret për projektet e zhvillimit ekonomik, të cilët duhet të vihen në zbatim nga kompani serbe dhe boshnjake, ka thënë Vuçiç.
Kryeministri serb ktheu vizitën në qytet javën e kaluar pavarësisht se u sulmua atje në korrik ndërsa merrte pjesë në përkujtimoren me rastin e 20 vjetorit të masakrave të vitit 1995 të më shumë se 7,000 boshnjakëve të Srebrenicës nga forcat serbe të Bosnjës.
Zemërimi mbi masakrat u zbraz mbi Vuçiçin dhe ai u qëllua me gurë dhe shishe nga një turmë të zemëruar dhe u detyrua të largohej.
Gjatë vizitës së tij javën e kaluar Vuçiç tha se “Serbia tani dëshiron të shikojë drejt të ardhmes”.
“Ne serbët duam të kemi marrëdhëniet më të mira të mundshme me boshnjakët. Dëshirojmë të ndërtojmë një të ardhme të përbashkët ku do të jetojmë në paqe për 100 vitet e ardhshme,” tha ai.
Njëzet vjet që nga lufta e viteve 1992-1995, Srebrenica ka probleme serioze ekonomike dhe paratë e premtuar nga Vuçiç konsiderohen nga shumë njerëz si thjesht një pjesë e vogël e asaj që Serbia duhet të paguajë.
Gjatë epokës së Jugosllavisë, Serbia i paguante kompensim komunave të Srebrenicës, Bratunacit, Visegradit dhe Rogaticës për përmbytjet që ndodhën pas ndërtimit të një hidrocentrali në Bajna Basta në Serbi.
Para luftës, shuma i paguhej çdo vit komunave. Pas përfundimit të konfliktit, Serbia ndaloi së paguari kompensimin.
Nermin Alivukoviç, ndihmësi kryetari i kryetarit të komunës së Srebrenicës, thotë se Serbia i detyrohet këtyre komunave rreth 30 milion euro.
