Deputetët votuan thuajse unanimisht të enjten për të ndryshuar kushtetutën dhe ligjin në mënyrë që të ndalohet përfshirja në poste publike e njerëzve me të shkuar kriminale.
Parlamenti i Shqipërisë ditën e enjte miratoi një ligj të shumëpritur që ndalon kriminelët e dënuar të zënë poste publike me mbështetje të fortë ndërpartiake.
Ligji ndalon njerëzit e dënuar për vepra të rënda penale, si vrasje dhe përdhunim, të emërohen ose zgjidhen për detyra shtetërore.
Pas orë të tëra debat, seanca plenare përfundoi në një kompromis që ndryshoi kushtetutën.
Pati pak kundërshtim, duke qenë se 131 nga 140 deputetët e pranishëm në parlament e mbështetën ligjin, i cili ka për qëllim të pastrojë politikën dhe administratën.
Përveçse ndalon përgjithmonë njerëzit që kanë kryer krime të rënda të zënë poste shtetërore, ligji i imponon një periudhë minimale para se këta personat e dënuar për vepra më të lehta të mund të detyra shtetërore.
Një zyrtar që shpallet fajtor për korrupsion e ka të ndaluar të mbajë poste publike për 20 vjet, ndërsa ata që kryejnë vepra penale që dënohen me nën dy vjet burg, do ta kenë të ndaluar të mbajnë poste publike për 10 vjet.
Të gjitha deputetët, politikanët vendas, zyrtarët e qeverisë, nëpunësit civilë dhe anëtarë të forcave ushtarake dhe policore do t’i nënshtrohen gjithashtu kontrolleve për të shkuar kriminale.
Në një lëvizje të rrallë, presidenti Bujar Nishani i dërgoi parlamentit një dekret që mundësonte hyrjen në fuqi të ndryshimeve kushtetuese dhe të ligjit menjëherë pas votimit nga deputetët.
Ambasadori amerikan në Tiranë mirëpriti kalimin e ligjit si një vendim të guximshëm. “Ky ligj është ligji më i ashpër në Europë kundër kriminelëve në politikë. Ndërsa është rezultat i punës së lodhshme nga shumica dhe opozita, ai është një fitore për popullin shqiptar që do qeverisje të pastër dhe fund ndaj korrupsionit,” tha ambasadori.
Delegacioni i BE-së e konsideroi miratimin e paketës një shenjë se “dialogu konstruktiv ndërpartiak është mënyra më e mirë për të bërë reformat e nevojshme për vendin”.
BE-ja i bëri thirrje partive politike të përfshihen në dialog konstruktiv për ndryshimet e tjera delikate për të gjithë sistemin e drejtësisë.
“Progresi në axhendën e reformës është thelbësor për sundimin e mëtejshëm të ligjit dhe lëvizjen e vendit drejt rrugës së integrimit europian,” shkruhej në deklaratë.