Zakonet e ndryshme të Krishtlindjes katolike dhe tëtë krishterëve protestantë dhe ortodoksë mund të shndërrohen në një eksperiencë speciale për të martuarit e feve të ndryshme.
Jaime Arias është një katolik nga El Salvador dhe gruaja e tij Dragana Jovanovic-Arias është një ortodokse nga Beogradi.
Këtë vit, ata po festojnë së bashku Krishtlindjen e parë të djalit të tyre të porsalindur dhe po punojnë shumë që të balancojnë traditat dhe ritualet e feve të ndryshme.
Ata duhet të vendosin në disa gjëra, duke filluar me faktin nëse Krishtlindja është më 25 apo 7 janar.
A do të japin dhurata për Krishtlindje, siç është tradita e katolikëve, apo do t’i lënë ato për Vitin e Ri, sipas mënyrës serbe? Do të jetë Ivani katolik apo ortodoks, apo të dyja?
“Ne kemi dy kultura në shtëpinë tonë dhe duam të ruajmë traditat e të dyja kulturave”, tha Jaime.
“Kemi rënë dakord mbi vlerat fetare, por është shumë e rëndësishme që të respektojmë ato tradita pa hequr dorë nga asgjë”.
Jaime, 35 vjeç, dhe Dragana, 30 vjeçe, po zbulojmë se ndërsa ka sfida për të balancuar besimet fetare në një martesë, një martesë ndërfetare mund të jetë një eksperiencë e pasur nëse të dy janë të gatshëm të bëjnë kompromis dhe të ndajnë.
“Çështja kyçe zakonisht ka në qendër si do të festohet Krishtlindja pa tjetërsuar partnerin,” tha Jon M Sëeeney, bashkautor i librit “Dashuri e përzier: familja dhe identiteti fetar në shekullin e 21”, përmes një interviste në email.
“Mund të jetë gjë e mirë nëse një familje e bën siç duhet. Fëmijët janë në gjendje të rriten duke vlerësuar dhe marrë pjesë në dy ose më shumë tradita familjare njëherazi,” shtoi ai.
Për familjet e krishtera si Jaime dhe Dragana pushimet nuk janë të ndara nga besimet por nga datat dhe ritualet.
Ende, këto ndryshime mund të shkaktojnë grindje dhe mund të lëndojnë ndjenjat nëse një partner ndihet i shpërfillur.
“Ishte një pyetje e rëndësishme për ne dhe diskutuam gjatë si donim ta festonim,” tha Jaime. “Ne nuk kemi pasur kurrë një problem me këtë, sepse kemi rënë dakord më parë”.
“I këshilloj njerëzit të respektojnë besimet e të tjerëve,” tha Robin Fox nga Kisha Anglikane e Shën Mërisë në Beograd.
Një tjetër çift i përzier, Andre Marotto, 40 vjeç dhe gruaja e tij Katarina, 41 vjeçe, thotë se ata kanë përdorur të shkuarat e tyre të ndryshme për t’i dhënë një thellësi besimit të tyre dhe kuptimit për njëri tjetrin.
“Kur lidhesh me tradita të tjera, kthehesh pas te thelbi i asaj që na bashkon si të krishterë dhe kjo na çon te baza e besimit,” tha Marotto, një protestant brazilian. “Patjetër që na zgjeron horizontet dhe mënyrën si e perceptojmë besimin tonë”.
Por rrethanat martesore ndonjëherë mund ta bëjnë kompromisin të vështirë.
Ivana Djordjević, 24 vjeçe, u rrit në një shtëpi fetare të përzier që festonte si Krishtlindjen katolike dhe atë ortodokse.
Që kur u martua, Ivana ka festuar vetëm krishtlindjet ortodokse sepse burri i saj dhe familja e tij janë ortodoksë serbë. Megjithatë, ajo shpreson që kjo të ndryshojë së shpejti.
“Ne ende jetojmë me vjehrrin dhe vjehrrën. Por kur unë, bashkëshorti dhe vajzat të shkojmë në shtëpinë tonë, do të festojmë edhe Krishtlindjen katolike. Ajo është ende pjesë e imja,” thotë Ivana.
Ndonjëherë gjetja e një rruge për të vlerësuar diferencat fetare mund të jetë aq e thjeshtë sa provimi i ushqimit të ri.
“Vitin e shkuar gatova një gjel deti më 25 dhjetor dhe ishte hera e parë që shumica e familjes së gruas sime e provoi,” tha Jaime.
“Ata i pëlqyen të gjitha salcat dhe pjatat e tjera që nuk i kishin parë më parë dhe ishte një mënyrë shumë e bukur për të ndarë me ta traditat e mia”.
Ky reportazh u publikua në gazetën e përjavshme Belgrade Insight. Klikoni këtu për një kopje.
