Moti disi i butë i dhjetorit nuk e ka ndaluar Rumaninë të hapë hotelin e vetëm në vend të ndërtuar krejtësisht nga akulli.
Ka më pak borë dhe akull se zakonisht për këtë sezon, por për të njëmbëdhjetin vit radhazi Hoteli i Akullit në Karpatet e Rumanisë hapi dyert sipas parashikimit, pas Krishtlindjes.
Blloqet dy metra të akullit marrë nga një liqen aty pranë, si dhe uji e bora janë përdorur për të ngritur hotelin me pamje intriguese, i vetmi i llojit të tij në Europën Juglindore.
Avantazhi i një strukture të përkohshme është se evoluon çdo vit. Ndaj, këtë dimër ndërtuesit zgjodhën të krijojnë 14 dhoma që i kanë vënë emrin e shteteve dhe qyteteve europiane. “La Maison Parisienne” përfshin një skulpturë akulli të tejdukshme të Napoleonit, ndërsa Dhoma Britanike një të Shekspirit.
Ka gjithashtu disa banesa eskimeze të ndara.
Ndërsa temperatura e dhomës është nën zero dhe muret e struktura e krevatit përbëhet nga akulli, dhomat ofrojnë mbulesa tradicionale dhe trasta fjetjeje të stili të ekspeditave së bashku me veshje për të mbajtur ngrohtë klientët.
Perspektiva e pushimeve të akullta nuk i ka trembur vizitorët. “Të gjitha dhomat janë të pronotuara për sezonin dimëror, ku shumica e turistëve vijnë nga Britania, Gjermania dhe Rumania,” thotë Lidia Badila, zëdhënësja e hotelit.
Ka gjithashtu një restorant dhe një bar në Hotelin e Akullit.
Kostoja e qëndrimit është e ftohtë nga 100 euro e lart nata për një dhomë dyshe dhe më shtrenjtë për banesat e stilit eskimez.
Sezonin e kaluar, Hoteli i Akullit qëndroi hapur deri në fillim të prillit 2015, kohë në të cilën priti rreth 5000 vizitorë.
Ndërtesa më e famshme e këtij lloji është “Hoteli i Akullit” me 55 dhoma në Suedi, në një fshat të vogël si Jukkasjarvi. I gdhendur me dorë nga 4,000 ton akulli dhe dëbore, hoteli ka një dizajn unik çdo vit.
