Shtetasi kosovar, Ardit Ferizi, i akuzuar për piratim të të dhënave personale të stafit të sigurisë së SHBA dhe dorëzimin e tyre te ISIS, doli për herë të parë në gjyq në Virxhinia.
Ardit Ferizi u arrestua në Malajzi tetorin e shkuar in dyshuar për piratimin e një baze të dhënash dhe kalimin e informacionit rreth stafit të sigurisë së SHBA te radikalët e Shtetit Islamik.
Ferizi u ekstradua nga Malajzia dhe të mërkurën doli në gjyq në Virxhinia përballë akuzave për terrorizëm. Nëse shpallet fajtor, Ferizi mund të përballet me 35 vite burg.
Ai dyshohet se ka miratuar sistemin kompjuterik të një kompanie amerikane, mori të dhënat personale të mbi 1300 pjesëtarëve të stafit ushtarak dhe qeveritar të SHBA dhe ia kaloi ato një militanti të ISIS.
Ferizi besohet se është lideri i një grupi hakerësh të quajtur “Sigurimi i Hakerëve të Kosovës”, tha departamenti i drejtësisë së SHBA pas arrestimit vitin e shkuar.
Në të njëjtën deklaratë Ferizi, i njohur me nofkën e haberit si “Th3Dir3ctorY”, dyshohet se i ka dhënë informacionin anëtarit të ISIS, Junaid Hussain, i njohur si Abu Hussain al-Britani, nga qershori në gusht të 2015.
Më 11 gusht 2015, Hussain postoi në Twitter: “E RE: Ushtria amerikane dhe Qeveria të piratuara nga Divizioni i Hakerëve të Shtetit Islamik”, me një link të dokumentit 30 faqe.
Në të ishin emra, adresa emaili, fjalëkalime dhe numra telefoni të ushtrisë dhe personelit qeveritar të SHBA.
Ferizi, me origjinë nga Gjakova në Kosovë po studionte shkenca kompjuterike në Malajzi.