Rreth gjysmë milioni njerëz në listën zgjedhore të Maqedonisë prej 1.8 milionë zgjedhësish kanë nevojë për verifikim të mëtejshëm, tha Komisioni Shtetëror i Zgjedhjeve pas një kontrolli fillestar për zgjedhës të rremë.
Një raport i komisionit shtetëror zgjedhor që synon të identifikojë votuesit e rremë, rrodhi në media të enjten. Në të thuhej se rreth 500,000 emra në listën zgjedhore të vendit mund të jetë të rremë dhe duhet të kontrollohen më tej.
Pas një kontrolli në kompjuter të të dhënave të votuesve nga 10 institucione të ndryshme shtetërore, raporti tha se kishte më shumë se 495,000 emra që duheshin kontrolluar, pasi të dhënat e tyre nuk përputhen.
Raporti theksonte se 192,000 njerëz të listuar si votues nuk shfaqen në asnjë bazë tjetër të dhënash.
Votuesit fals janë një shqetësim kyç i opozitës në vend, që akuzon partinë qeverisëse se ka manipuluar zgjedhjet në favor të vet.
Kontrolli fillestar zbuloi 35,000 të tjerë si votues të dyshimtë që janë listuar në adresa të njëjta.
Raporti 23-faqësh duhet të miratohet formalisht nga Komisioni Zgjedhor Shtetëror. Gjithashtu do të miratohet një plan i kontrollit në shtëpi të votuesve për të verifikuar numrin e pasaktësive.
Komisioni vendosi të kontrollojë disa të dhëna përpara se të miratonte raportin.
Por ai rrodhi në media duke shkaktuar një trazirë politike.
Social Demokratët, SDSM thanë se kishte prova që ish-kryeministri i VMRO DPMNE kishte manipuluar zgjedhjet e shkuara.
Por VMRO DPMNE e akuzoi opozitën se ka krijuar një panoramë false rreth pasaktësitë në listën zgjedhore për të krijuar një alibi rreth shtyrjes së zgjedhjeve.
Lista zgjedhore aktuale përmban 1.8 milionë votues. OSBE e ka përshkruar këtë si një anormali të madhe krahasuar me një vend prej 2 milionë njerëzish.