Një aleancë që kundërshton lidhjet e partive tradicionale shqiptare me qeverinë maqedonase do të marshojë në Shkup për të shënuar përvjetorin e parë të përplasjeve të dhunshme në qytetin e Kumanovës.
Aleanca e partive opozitare shqiptare do të marshojë në ndërtesën qeveritare maqedonase të hënën për të shënuar përvjetorin e parë të përplasjes me armë në Kumanovë që la të vdekur dhjetë shqiptarë të armatosur dhe tetë policë.
Protestuesit do të dalin në protestë nën sloganin “Drejtësi, Dinjitet dhe Demokraci” duke kërkuar për më shumë të drejta për shqiptarët etnikë në Maqedoni dhe për trajtim njerëzor në çështjet në gjykatë.
Partitë opozitare do të dënojnë gjithashtu vendimin e fundit të presidentit Maqedonas Gjorge Ivanov për të ndaluar hetimin kriminal ndaj politikanëve të lartë, që ka intensifikuar krizën dhe që ka futur vendin në konflikt.
Por protesta është gjithashtu një mundësi për të parë nëse partitë opozitare mund të bëjnë bashkë shqiptarët në Maqedoni.
Fillimisht nisma u quajt Këshilli Opozitar, i drejtuar nga lëvizja Besa, një parti e ngritur nga intelektualët e rinj që ishin të pakënaqur me partitë tradicionale shqiptare dhe më pas iu bashkuan të tjera parti politike shqiptare që nuk janë aleate me qeverinë.
Lëvizja për Refroma e Partisë Demokratike të Shqiptarëve, LR-PDSH, partia e Rilindjes Demokratike KOmbëtare, Partia për Prosperitet Demokratik, PPD dhe Uniteti do të marrin pjesë në protestë.
Por Partia Demokratike e Shqipërave, DPA drejtuar nga Menduh Thaçi, megjithëse zyrtarisht partia më e madhe opozitare e shqiptarëve në Maqedoni, është lajmëruar se nuk është e mirëpritur.
Drejtuesi i Besës, Bilall Kasami, i tha BIRN se kjo ndodhi për shkak se DPA nuk është një parti e pastër opozitare.
“Lidershipi i kësaj partie ka mbështetur gjithnjë qeverinë e Gruevskit. Nuk jemi gati të bashkëpunojmë me këtë parti në kuptimin e veprimit opozitar,” tha Kasami.
Vetëm shqiptarët do të marrin pjesë në marshim, megjithëse ka pasur diskutim mes partive opozitare nëse do të ishte mirë të ftonin edhe maqedonasit për të dënuar regjimin e Gruevskit.
Lideri i LR-PDSH, ZIadin Sela, i tha BIRN se Shqiptarët në Maqedoni jo vetëm që po vuajnë prej veprimeve të një qeverie problematike, por gjithashtu edhe për shkak të diskriminimit etnik.
“Nuk duhet të biem në kurthin e opozitës maqedonase dhe të themi se vendi ka probleme vetëm të natyrës civile. Jo, është më tepër se kaq, problemet kanë edhe natyrë etnike,” tha Sela.
Shkaqet e përplasjes mes policisë dhe personave të armatosur shqiptarë nga Maqedonia dhe Kosova në Kumanovë një vit më parë mbeten të paqarta.
Gruevski e quajti atë një plan të qëllimtë për të destabilizuar vendin përmes një sulmi mbi forcat e sigurisë.
Megjithatë, partitë opozitare shqiptare dhe disa vëzhgues, përfshirë liderin Social Demokratëve, Zoran Zaev, kanë shprehur dyshimin se autoritetet janë përpjekur të shpërqendrojnë publikun nga kriza politike duke orkestruar përplasje etnike.
