Opozita në Malin e Zi thotë se do t’i kërkojë llogari ministrit të financave që ka dështuar të mbledhë miliona euro taksa nga biznese që dyshohen si të afërta me qeverinë.
Ndërsa lufta kundër debitorëvë të taksave vazhdon duke mbledhur me forcë miliona euro taksa të papaguara dhe duke bllokuar llogaritë e disa prej kompanive më të mëdha, komisioni parlamentar për Financën dhe Buxhetin të hënën do të marrë në pyetje ministrin e financave Rasko Konjeviç dhe Drejtorin e Administratës Tatimore.
Seanca u caktua pasi Institucioni Shtetëror i Auditit dha një opinion negativ për punën dhe efikasitetin e autoriteteve tatimore.
Seanca u kërkua nga opozita, e cila ka akuzuar autoritetet tatimore për dështimin në mbledhjen e taksave nga kompanitë e afërta me kryeministrin Milo Gjukanoviç.
“Auditi dha mendimin se Administrata Tatimore nuk ka krijuar kushtet e nevojshme për zbatimin efektiv të masave të mbledhjes së borxhit tatimor dhe nuk ka burime njerëzore për të siguruar efektivitetin e tyre”, kryetari komisionit, deputeti i opozitës Aleksandër Damjanoviç.
Në ditët e fundit, autoritetet tatimore kanë intensifikuar kontrollet dhe po zbatojnë mbledhjen e taksave në disa prej kompanive më të mëdha në vend. Duke cituar një borxh tatimor prej rreth 900.000 euro, administrata tatimore ka bllokuar llogarinë e Aleancës së Sindikatave të Pavarura.
Hekurudha shtetërore, që është gjithashtu një nga debitorët më të mëdhenj, po nxitet të paguajë gjithashtu borxhin e saj. Menaxhimi tha të enjten se kishte nisur shitjen e aseteve të cilat nuk janë të lidhura direkt me linjën hekurudhore për të shlyer borxhin prej 3.6 milionë eurosh.
Ministria e Financave po bën lëvizje për të mbledhur taksat e papaguara që llogariten në rreth 230 milionë euro, pasi një politikani i opozitës, Rasko Konjeviç, e mori postin tre javë më parë.
Pavarësisht nga një deficit të madh buxhetor që ka zgjatur për disa vite, Administrata Tatimore nuk i ka përdorur të gjitha mundësitë e veta ligjore për të mbledhur taksat nga disa prej shoqëritë më të mëdha tregtare dhe të ndërtimit, një pjesë e të cilave të angazhuara në projekte të rëndësishme në vend.
Ndërkohë, opozita pretendon se sipas vlerësimeve të saj, totali i tatimeve të papaguara u rrit në qershor me 552 milionë euro.
Ministria e Financave ka zbuluar gjithashtu se borxhet tatimore të pasurive të patundshme janë rritur në rreth 46 milionë euro.
Javën e kaluar, Konjeviç urdhëroi kontrolle në punën e administratës tatimore në dy vitet e fundit.
Ai ka urdhëruar administratën tatimore të hapë procedurat disiplinore për nëpunësit civilë, të cilët nuk arritën të mbledhin borxhet kur kishin autoritet ligjor për ta bërë këtë.
“Ne mund t’i sigurojmë paratë për mungesën në buxhet vetëm në dy mënyra – duke marrë hua më shumë, edhe pse unë dua t’ju kujtoj se borxhi kombëtar është tashmë mbi 60 për qind e PBB-së; ose duke mbledhur borxhin tatimor”, tha Konjeviç.
Administrata Tatimore në janar botoi një listë të zezë të 200 kompanive dhe individëve të cilët kanë dështuar të paguajnë të gjithë detyrimet e TVSH-së, taksat mbi fitimin dhe taksa mbi fitimet e shitjeve të pasurive të patundshme dhe koncesionet.
Lista e 100 debitorëve më të mëdhenj në aspektin e pagimit të taksat dhe kontributeve të pensioneve u botua duke treguar më shumë se 100 milionë borxhe.