Sulmet e dhunshme ndaj refugjatëve dhe emigrantëve janë shtuar që nga pranvera, raporton organizata mjeksore-humanitare MSF në Serbi.
Organizata mjekësore humanitare Medecins Sans Frontieres, MSF, ka paralajmëruar për një rritje të sulmeve të dhunshme ndaj emigrantëve dhe refugjatëve në Ballkan që nga pranvera.
“Që nga maji ne kemi regjistruar një rritje të dhunës ndaj refugjatëve që kthehen nga Hungaria. Më shumë se 100 syresh kanë kërkuar ndihmë për të mjekuar lëndimet e tyre,” tha Francois Tillete de Mautort, oficer për çështjet humanitare të MSF në Serbi.
Ai tha që të plagosurit përfshinin gra dhe fëmijë, jo vetëm burra siç ka qenë rasti më përpara.
“Migrantët po lëndohen me grushta, shkop gome, gaz lotsjellës, korrent elektrik dhe kafshime qensh. Ka dhe njerëz me uniformë në Hungari që po i vjedhin,” i tha BIRN De Mautort.
De Mautort konfirmoi që emigrantët akoma po arrinin të shkonin në kufi me Hungarinë edhe pse pengesat që i shfaqen rrugës janë shtuar.
Sipas tij, emigrantët dhe refugjatët në Maqedoni hasin probleme për shak të dhunës nga trafikantët, kurse në Bullgari dhe Hungari nga ushtria dhe policia.
Ka pasur dhe raporte të sulmeve të dhunshme seksuale kundër emigrantëve dhe refugjatëve në Maqedoni.
“Ne japim ndihmë psikologjike për emigrantët por ato janë në rrugë e sipër, dhe nuk mund të punojmë me ata për një kohë të gjatë sepse lëvizin,” tha De Mautort.
“Ne nuk kemi informacion se si kurohen këto njerëz në vendet kur arrijnë. Ne mbështetemi në sistemin shëndetësor dhe në mënyrën si reagojnë,” tha ai.
Dea Mautort tha mbështetja psikologjike për emigrantët nuk ishte shumë efektive në të ashtëquajturin “korridori ballkanik,” por megjithatë grupe lëvizëse në Serbi po bënin të pamundurën për t’i ndihmuar.
“Ne i kontaktojmë njerëzit zakonisht rrugës por kemi dhe mundësi hyrjeje në kampet e refugjatëve. Ky problem nuk po qaset mjaftueshëm gjatë rrugës,” tha ai.
Ai tha që MSF do të donte të operontë në Bullgari, por ky vend ishte bërë pengues për organizatat humanitare dhe punonjësit e tyre.
“Ka një arsye pse ne kordinohemi nga Beogradi, sepse edhe pse emigrantët vijnë nga Maqedonia ose Bullgaria ato duhet të kalojnë nga Beogradi rrugës për në BE,” tha ai.
Ai përfundoi duke thënë që kontrollet e kufijve zor se do ta ndalojnë rrjedhjen e refugjatëve. “Mbyllja e kufijve nuk do t’i shkurajojë njerëzit nga emigrimi. Thjesht do t’i vejë ato në një pozicion më vulnerabël dhe t’i ekspozojë ndaj trafikantëve,” paralajmëroi ai.