Ndërsa partitë e koalicionit qeverisës deklarojnë që i kanë votat e nevojshme për ratifikimin e marrëveshjes së demarkacionit me Malin e Zi, mbështetës të opozitës po protestojnë para Parlamentit kundër miratimit të saj.
Kryeministri i Kosovës, Isa Mustafa lajmëroi tërheqjen e ratifikimit të marrëveshjes së demarkacionit të kufirit nga axhenda parlamentare e së enjtes.
“Si kryeministër konsideroj se sot nuk janë rrethanat dhe nuk është situata që sot ta votojmë dhe ratifikojmë marrëveshjen për demarkacionin me Malin e Zi,” tha Mustafa në parlament.
Fatmir Limaj, lideri i partisë opozitare NISMA u shpreh kundër shtyrjes së votimit dhe tha se vendimi i Mustafës ishte influencuar nga deputetët serbë.
Me të dëgjuar lajmin, turma e mbledhur jashtë parlamentit për të protestuar kundër marrëveshjes shpërtheu në brohoritje.
Qytetarët e Kosovës, të mbledhur në Prishtinë nga shumë qytete të vendit nisën protestat në orët e paradites, duke i kërkuar deputetëve që të mos e votojnë marrëveshjen me Malin e Zi.
Lëvizja opozitare Vetëvendosje, e cila organizon protestën u bëri thirrje të mërkurën qytetarëve të Kosovës që t’i bashkohen demostratës, e cila ka për qëllim ta bëjë votimin në parlament pothuajse të pamundur. Mbështetës të partisë qeveritare, LDK i janë bashkuar gjithashtu protestës, pasi udhëtuan nga zonat pranë kufirit me Malin e Zi.
Kallxo.com raportoi se mëngjesin e së enjtes, policia e Kosovës gjeti 50 çanta gjatë një operacioni në lagjen Dardania rreth 50 çanta të mbushura me kokteile Molotov dhe gurë, të cilat mendohet se do të përdoreshin nga protestuesit. Është ende e paqartë se kujt i përkasin ato.
Forcat e policisë janë shpërndarë në rrugët e Kosovës, ndërsa Parlamenti po përgatitet të votojë marrëveshjen kontroverse. Ndërkohë, qytetarët janë mbledhur para godinës së Parlamentit.
Deputetët e Parlamentit të Kosovës pritet të votojnë marrëveshjen, ndërsa ratifikimi i saj parashikohet të marrë 2/3 e votave.
Ndërsa partitë kryesore, Partia Demokratike e Kosovës dhe Lidhja Demokratike e Kosovës, LDK këmbëngulin që i kanë votat e mjaftueshme për të miratuar marrëveshjen, opozita sërish bën thirrje që mundet dhe do ta bllokojë procesin.
Ish-lideri i Vetëvendosje, Albin Kurti i ftoi qytetarët të mërkurën që t’i bashkoheshin protestës në sheshin para Parlamentit. Liderët e dy partive të tjera opozitare, Ramush Haradinaj dhe Fatmir Limaj realizuan një konferencë të përbashkët për shtyp, përmes së cilës u bënë thirrje deputetëve të mos e votojnë marrëveshjen.
Kosova dhe Mali i Zi nënshkruan paktin e kufirit në gusht 2015, ndërsa Mali i Zi e ratifikoi atë më vonë gjatë vitit. Port re partitë opozitare në Kosovë, Vetëvendosje, AAK dhe Nisma e kanë kundërshtuar me forcë atë, me argumentin se i heq Kosovës mijëra hektarë tokë. Deputetët e tyre kanë hedhur gaz lotsjellës brenda sallës së parlamentit, kanë bojkotuar seancat parlamentare dhe kanë mbështetur protesta të dhunshme, të cilat shkaktuan duzina të plagosurish dhe të arrestuarish.