Tingujt e muzikës folklorike të Ballkanit, e njohur në Bosnje si sevdah, po dëgjohen gjithnjë e më shumë teksa një brez i ri muzikantësh po nxjerr këngë të reja me motivet tradicionale.
Damir Imamoviç
Kitaristi dhe vokalisti i njohur nga Sarajeva lindi në një familje muzikantësh përfshirë gjyshin e tij, Zaim Imamoviç, një legjendë e muzikës tradicionale boshnjake e quajtur sevdah nga mesi i shekullit 20.
Muzikanti që ka fituar çmime është gjithashtu një studiues i sevdah, zhanër muzikor që i ka rrënjët që nga shekulli 15.
Muzika e pasur e sevdah ka në qendër tema të melankolisë apo dashurisë për një person apo vend.
Albumi më i fundit i Imamoviç, Dvojka, u publikua më herët këtë vit.
Amira Medunjanin
Amira e lindur në Sarajevë konsiderohet si një nga artistët e brezit të ri që po ringjallin muzikën historike folklorike sevdalinka ose svedah shkurt.
Këngëtarja, shpesh e quajtur edhe Billie Holiday i Bosnjës, mësoi të këndonte tingujt melankolikë të sevdah nga nëna e saj.
Amira do të publikojë më 18 tetor një album të ri të quajtur “Damar”, që përfshin edhe dy këngë origjinale.
Kjo këngë, “Pjevat ćemo šta nam srce zna”, apo “Ne do të këndojmë atë që zemrat dinë”, është e disponueshme tani në YouTube.
Bozo Vreco
Një tjetër muzikant i brezit të ri, i folkut ballkanik që e ka mësuar vetë muzikën sevdah është Bozo Vreco, nga qyteti lindor i Bosnjës Foca.
Kënga e tij më e njohur në YouTube është një këngë pa instrumente e quajtur “Lelija” që përmban motive të vajtimit të këngëve tradicionale të sevdah.
