Dy partitë kryesore në Maqedoni të dielën në mbrëmje festuan fitoren në zgjedhjet e përgjithshme, ndërsa pritet që Komisioni Shtetëror i Zgjedhjeve të shpallë rezultatet përfundimtare.
Të dyja partitë kryesore shpallën fitore në zgjedhjet e përgjithshme të Maqedonisë të dielën në mbrëmje. Ndërsa partia kryesore në pushtet VMRO DPMNE pretendoi se kishte avantazh me rreth 20,000 vota, Social Demokratët në Opozitë, SDSM, dolën të fitojnë përpara selisë qeveritare në Shkup, duke këmbëngulur se kishin fituar një ose dy vende më tepër në parlament se rivalët e tyre.
Rezultatet e paplota nga Komisioni Shtetëror Zgjedhor tregojnë një garë të ngushtë. Nga 88.76 për qind e votave të numëruara, VMRO DPMNE fitoi 388,761 vota, ose 38.36 për qind, ndërsa social demokratët fituan 368,144 votes ose 36.33 për qind.
Megjithatë, disa parashikime tregojnë se kjo mund të përkthehet në një numër të barabartë vendesh për të dyja partitë, ku VMRO DPMNE dhe SDSM do të kenë 51 vende në parlamentin me 123 vende.
Ndërsa SDSM ka udhëhequr bindshëm në kryeqytet, VMRO DPMNE fitoi më shumë vota në disa zona rurale.
Në Bllokun e shqiptarëve etnikë, partia në koalicion qeverisës, Bashkimi Demokratik për Integrim, BDI, fitoi 7.33 për qind të votave në përgjithësi që mund të përkthehet në tetë ose nëntë vende.
Megjithatë befasia në bllokun shqiptare qe se partia e sapoformuar BESA, iu afrua shumë BDI. Rezultatet paraprake tregojnë se BESA fitoi 4.48 për qind që mund të përkthehet në pesë vende.
BESA la jashtë Partinë Demokratike Shqiptare, PDSH që tradicionalisht ka qenë një nga katër partitë kryesore në Maqedoni. PDSH fitoi vetëm 2.58 për qind të votave ose dy vende.
Blloku i tretë opozitar i shqiptarëve kryesuar nga PDSH – Lëvizja për Reforma fitoi 2.92 për qind ose tre vende.
Rezultatet e plota të Komisionit Shtetëror Zgjedhor priten të hënën.
Zgjedhjet vijnë në një sfond të një krize të thellë politike në Maqedoni që rrotullohet rreth pretendimeve të opozitës se lideri i VMRO DPMNE, Gruevski ka përgjuar në mënyrë të paligjshme mijëra njerëz, akuza që ai i ka mohuar.
Votimi vjen gjithashtu pas dy viteve krizë shënuar nga protesta të shpeshta anti-qeveritare.
