Lidershipi i partisë Progresive Serbe propozoi kryetarin e partisë dhe kryeministrin aktual, Aleksandër Vuçiç si kandidatin e tyre në zgjedhjet e ardhshme presidenciale, duke e bërë atë kryesuesin.
Vuçiç u bë favoriti i menjëhershëm për të fituar presidencën serbe pasi kryesia e Partisë Progresive dha emrin e tij si kandidatin e preferuar të martën.
Në një intervistë në radiotelevizionin publik RTS pas lajmërimit të vendimit, Vuçiç e portretizoi veten si kandidati që mund të shpëtonte vendin nga shkatërrimi prej opozitës.
“Është një çështje rëndësie për të ardhmen e Serbisë, sepse në muajt e fundit pamë se si të gjithë ata po e shkatërrojnë vendin, duke çuar në kufi të falimentit dhe shkatërrimit të të ardhmes, në përpjekje për t’u kthyer në pushtet dhe për të shkatërruar Serbinë,” tha Vuçiç, duke iu referuar Partisë Demokratike në opozitë e cila ishte në pushtet deri në vitin 2012.
Bojan Klacar, drejtor i Qendrës për Zgjedhje të Lira dhe Demokraci, CESID, tha për BIRN se vendimi i Vuçiç për të garuar do t’i japë Progresivëve një shans të mirë për të fituar presidencën pa një raund të dytë.
“Duke pasur parasysh këto dy gjëra – renditjen e partisë, që është relativisht e lartë dhe ende në nivel të zgjedhjeve të mëparshme dhe vlerësimet e Vuçiç që është fytyra e tyre promocionale dhe ai që gjeneron shumicën e potencialit të partisë, vendimi ii tij po rrit shanset për Progresivët [që të fitojnë], tha Klacar, megjtihëse shtoi se fitorja nuk është e sigurt për shkak se zgjedhjet mbartin rreziqe.
Vuçiç tha në intervistën e tij me RTS se pa mbështetjen e presidentit aktual Tomislav Nikoliç, “humbë rezultate të mira dhe të rëndësishme” nuk do të arriheshin dhe se Nikoliç luajti një “rol historik”.
“Synoj të punoj bashkë me të, nëse ai do,” tha Vuçiç, duke shtuar se ishte takuar me Nikoliç, por nuk donte të diskutonte detajet e ‘bisedimeve private’ mes të dyve.
Klacar tha se ai beson se vendimi i Vuçiç nuk do të krijojë një tërmet në Partinë Progresive, duke shtuar se përfshirja e tij pati shumë kompromis dhe punë që Nikoliç ta pranonte atë në heshtje.
“Mendoj se ata vendosën të mos lejojnë diferencat e opinionit, që janë të qarta, të bëhen një problem për partinë. Do të shohim në vazhdim se çfarë do të vijë dhe çfarë përfitimi merr Nikoliç,” tha ai.
Partnerët e koalicionit qeverisës të Progresive dolën menjëherë në mbështetje të kandidaturës së Vuçiç.
Ai mori mbështetje të martën nga liderët e Partisë Socialiste të Serbisë, Lëvjza për Socialistët, Partia Social Demokrate e Serbisë dhe Serbia Unike.
Partitë opozitare nga ana tjetër argumentuan se kandidimi i Vuçiç do të rrëzonte qeverinë.
Kryetari i Partisë Demokratike Dragan Sutanovaç u bëri thirrje votuesve që duan ndryshim dhe që besojnë se “Serbia mund të jetë një vend i shpresës dhe perspektivës” të mbështesin ish-avokatin e popullit Sasa Janoviç në zgjedhjet e ardhshme.
Një tjetër kandidat presidencial, Vuk Jeremiç, tha të martën në mbrëmje se fitorja e Vuçiç do të nënkuptonte “politika të këqija për pesë vitet e ardhshme”.
Vendimi i lidershipit të Partisë Progresive për të mbështetur Vuçiç duhet të aprovohet në takimin e bordit kryesor të partisë më 17 shkurt.
