Mes torturave, punës rraskapitëse, urisë së skajshme dhe keqtrajtimit shumëvjeçar të kundërshtarëve të regjimit komunist në Shqipëri, ngrehina e burgut të Spaçit mbetet një kujtesë e hidhur e krimeve të diktaturës, për të cilat qeveria shqiptare ende nuk ka kërkuar ndjesë.
Ekzistenca jo vetëm si burg, por edhe si një kamp pune i detyruar për këdo që konsiderohej nga diktatura e kohës si i rrezikshëm për pushtetin, i fitoi Spaçit famën e keqe dhe është sot një damkë e shkeljeve të të drejtave të njeriut në Shqipëri.
Të paktën 43.000 shqiptarë qenë viktima të regjimit komunist të diktatorit Enver Hoxha në Shqipëri përmes burgosjes, internimit apo ekzekutimit, sipas Institutit Shqiptar për Integrimin e Ish të Burgosurve Politikë. Klikoni këtu për video.