Dy fëmijë emigrantë u plagosën kur policia kroate hapi zjarr ndaj një furgoni që drejtohej nga trafikantë njerëzish, i cili nuk pranoi të ndalonte pranë kufirit me Bosnjën.
Dy fëmijë emigrantë pësuan plagë me armë zjarri ndërsa të tjerë u lënduan nga drejtimi i pakujdesshëm i automjetit kur policia kroate qëlloi me armë për të ndaluar trafikantët e njerëzve që ngisnin një furgon pranë fshatit Donji Srb në kufirin me Bosnjën të mërkurën në mbrëmje.
Pasi policia mori një raport për një furgon me targa të huaja, i dyshuar se transportonte njerëz nga Bosnja në Kroaci dhe pas dy përpjekjeve të pasuksesshme për ta ndalur furgonin, policia ngriti një pengesë në rrugë për ta ndalur furgonin me dritë dhe sinjale, njoftoi Vecernji.ba.
Pasi shoferi refuzoi të ndalonte dhe vazhdoi ta ngiste furgonin drejt tyre, oficerët qëlluan me armë zjarri drejt tij pas të cilës shoferi u hodh nga furgoni dhe u largua.
Policia gjeti në furgon 29 shtetas të huaj nga ve de të ndryshme, përfshirë dy fëmijë të plagosur, të cilët u transferuan në spitalin e qytetit të Zadarit dhe janë në gjendje të qëndrueshme. Të tjerët morën kujdes në spitalet në Zadar dhe Gospic.
Rritja e fluksit të emigrantëve të paligjshëm në Europën Jugore dhe Lindore ka shkaktuar alarm në rritje në shumë pjesë të Europës, si edhe në rajonin e Ballkanit, i cili pa flukse të mëdha të njerëzish në vitin 2015 derisa u mbyll në mënyrë efikase në mars 2016.
