Persona të paindentifikuar qëlluan me armë mbi zyrat e njësisë administrative në varësi të Bashkisë Lezhë. Bashkia tha se të shtënat nuk kishin lidhje me punën e saj. Policia ka shoqëruar 10 persona.
Persona të paidentifikuar qëlluan me armë mbi zyrat e Njësisë Administrative të Blinishtit në Lezhë. Banorë të zonës kanë lajmëruar policinë pasi kanë dëgjuar të shtënat rreth orës 2 të mëngjesit të së premtes, ndërsa mbeten të paqarta motivet.
Në një reagim zyrtarë Bashkia Lezhë thotë se nuk kishte protokolluar asnjë ankesë apo ngjarje që und të lidhej me të shtënat. Ndërkohë policia tha se kishte nisur hetimet dhe pyetur drejtuesit e njësisë administrative.
Po ashtu mësohet se janë shoqëruar në komisariat 10 përsona të cilët po merren në pyetje. Ndërkohë që në cilësinë e provës metariale janë sekuestruar 10 gëzhoja automatiku të gjetura në vendin e ngjarjes. Policia bëri me dije se autorët kanë qëlluar në pjesën e përparme të godinës, ndërsa plumbat kanë përshkuar pjesen më të madhe të mureve të këtij insitucioni.
E njëjta ngjarje ka ndodhur dhe me datë 30 maj të vitit 2015-të. Godina, në të cilën atëherë ishin zyrat e Komunës Blinisht, u qëllua me breshëri automatiku nga persona të paidentifikuar. Ngjarja nuk u zbardh.
Ndërkohë në një reagim të saj Bashkia Lezhë dënon ngjarjen dhe bëri me dije se kishte ngritur një grup pune për të kryer hetimin e saj. “Sa më lart, sqarojmë opinionin publik se me urdhër të Kryetarit të Bashkisë Lezhë, z. Fran Frrokaj, u ngrit menjëherë një grupe punë, nga i cili pas verifikimit deklarohet se, kjo ngjarje nuk ka asnjë prapavijë në lidhje me shërbimin e administratës”, thuhet në njoftimin e bashkisë. Aty po ashtu bëhet me dije se nuk ishte rregjistruar ndonjë ankesë që mund të sillte këtë reagim. Bashkia i kërkoi policisë zbardhjen e ngjarjes.
