Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Zgjedhje 2023
  • Veting
  • Mjedisi
  • Kosovë
  • SPAK
  • BE
  • Vladimir Putin
  • Olta Xhaçka
  • KLP
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Seancë dëgjimore pa telashe për prokurorin Edvin Kondili

Vladimir KarajNgaVladimir Karaj
19:02 | 06/06/2019
Në Artikull kryesor Lajme, KPK, Lajme, Në Fokus
Kohe leximi: 2 minuta
A A
0
Seancë dëgjimore pa telashe  për prokurorin Edvin Kondili

Prokurori Edvin Kondili | Foto nga : Vladimir Karaj

Share on FacebookShare on Twitter

KPK nuk bëri me dije probleme të rënda në asnjë prej kritereve të rivlerësimit ndaj Prokurorit tëi Krimeve të Rënda Edvin Kondili, i cili kërkoi konfirmimin në detyrë.

Prokurori Edvin Kondili | Foto nga : Vladimir Karaj

Prokurori Edvin Kondili pati një seancë dëgjimore në dukje të lehtë në Komisionin e Pavarur të Kualifikimit. Ai u vlerësua në të tre kriteret e vetingut, por pikëpyetje u ngritën vetëm sa i përket deklarimit të një shume prej 1.1 milion lekësh, fillimisht si të shpenzuar për blerje shtëpie dhe sërish si të kursyer.

Relatorja e çështjes Xhensila Pine theksoi se në lidhje me këtë problem Kondili, prokuror pranë Prokurorisë së Krimeve të Rënda, kishte dhënë shpjegime; ndërkohë, vetë subjekti nuk e sqaroi në seancë këtë çështje, por ai falenderoi trupën gjykuese të kryesuar nga Roland Ilia, anëtare Valbona Sanxhaktari dhe relatore Xhensila Pine për punën e bërë dhe u dakordësua me rezultatet e hetimit.

Edvin Kondili e ka nisur karrierën në sistemin e drejtësisë në vitin 2004. Ai ka mbaruar Shkollën e Magjistraturës dhe punon prej vitit 2004 pranë Prokurorisë për Krimeve të Rënda. Paralelisht me punën si prokuror, Kondili është angazhuar si lektor në Shkollën e Magjistraturës dhe si ekspert për organizatat ndërkombëtare. Ai është një ndër 25 kandidatët për t'u bërë pjesë e Prokurorisë së Posaçme kundër Korrupsionit dhe Krimit të Organizuar, SPAK.

Relatoja Pine e cila lexoi gjetjet e hetimit për Kondilit vuri në dukje se ai nuk kishte pasur asnjë problem në kriteret e profesionalizmit dhe atë të figurës. Po ashtu, dy denoncime ndaj tij u rrëzuan nga KPK pasi nuk kishin indicie për veprime korruptive apo për shkelje të etikës.

Në kriterin e pasurisë u vu në dukje që Kondili kishte blerë një apartament 70 mijë euro dhe u theksua se 60 mijë euro ishin paguar me kredi, ndërsa 10 mijë euro ishin kursime dhe të ardhura nga paga.

I vetmi problem i dukshëm sipas relatimit ishte deklarimi i një shume të kursyer nga bashkëshortja para martese. Sipas relatores shuma 1.1 milion ishte deklaruar në vitin 2007 dhe më pas ishte deklaruar si e përdorur në blerjen e shtëpisë, por që po ashtu u rideklarua në deklaratën vetting si e kursyer.

Relatorja tha se kishte marrë shpjegimet nga prokurori dhe se ato do të vlerësoheshin. Kondilit po asht iu vu në dukje marrja e një huaje prej 10 mijë eurosh nga vëllai i bashkëshortes, e cila nuk ishte përdorur.

Sipas relacionit dhe shpjegimeve të Kondilit huaja ishte marrë me qëllim pagimin e një pjesë te kredisë për të zbutur interesat, por më pas ai dhe bashkëshortja kishin hequr dorë nga kjo dhe huaja ishte kthyer pas pa u përdorur.

Lëvizja e këtyre parave ishte bërë përmes bankës dhe KPK tha se vëllai i bashkëshortes së prokurorit që jetonte në Spanjë solli dokumente ligjore që provonin të ardhurat e tij të ligjshme që prej vitit 2000 e në vijim.

Etiketa: Edvin KondiligjyqtarKPK
Tjetri
Europës i duhet një strategji globale

Fundi i botës siç e njohim ne

Më të lexuarat

Seancë dëgjimore pa telashe  për prokurorin Edvin Kondili

Seancë dëgjimore pa telashe për prokurorin Edvin Kondili

19:02 | 06/06/2019
Rama sfidon BE, merr në mbrojtje projektin për rishikimin e zonave të mbrojtura

Rama sfidon BE, merr në mbrojtje projektin për rishikimin e zonave të mbrojtura

13:04 | 06/12/2023
‘Asfalti elektoral’ mbetet rrugëve pas zgjedhjeve të 14 majit

‘Asfalti elektoral’ mbetet rrugëve pas zgjedhjeve të 14 majit

14:25 | 06/12/2023
Prokurorja Françeskina Lekani përballet me probleme për pasurinë dhe profesionalizmin

Shkarkohet nga KPK prokurorja Françeskina Lekani

11:57 | 06/12/2023

KLGJ shtyn vendimmarrjen për dy kandiatët për në Gjykatën e Lartë

17:05 | 04/12/2023
Prokurori Ritvan Suka jep shpjegime për bilancet negative të pasurisë

Prokurori Ritvan Suka jep shpjegime për bilancet negative të pasurisë

17:00 | 05/12/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2024 Reporter.al - Dev by aplikacione.com.