Qendrat e votimit filluan të mbyllen rreth orës 19:00 nëvotimet më të debatuara në historinë e Shqipërisë, të cilat në mënyrësurprizuese rezultuan ndër më të qetat. Numëruesit e votave pritet të kenë më pak punë se sa në zgjedhjet e shkuara, por se sa më pak, kjo ështëçfarë duan të mësojnë të gjithë.
Dita e votimeve për pushtetin vendor kaloi me një numër minimal incidentesh të vogla dhe me disaprotesta shumëngjyrëshe dhe ironike nga ana e opozitës, e cila i bojkotoi ato.
Numri i shqiptarëve të ftuar në zgjedhje ishte 3.5 milionë, më i larti në historinë e vendit, ndërsa numri i pjesëmarrësve ishte shifra më e debatuar, ndërkohë që vazhdon të mbetet e paqartë. Të dhënat paraprake të Komisionit Qendror të Zgjedhjeve sugjerojnë se Partia Socialiste mund të ketë marrë një mbështetje në nivel të ngjashëm me atë të vitit 2017, por përgjatë të gjithë ditës, shifrat e raportuara nga komisionet zgjedhore u debatuan gjerësisht si të njëanshme dhe të pabesueshme.
Partia Demokratike kritikoi në mënyrë të vazhdueshme gjatë ditës shifrat paraprake të pjesëmarrjes si të pavërteta dhe të fryra në krahasim me realitetin.
Kështu, për orën 15, KQZ, e cila dominohet nga katër anëtarë të emëruar nga Partia Socialiste, raportoi për 546 mijë vota të hedhura, ndërkohë që Partia Socialiste më vete ka marrë 765 mijë vota në vitin 2017 ndërsa kandidatët e aleancës së saj (ku përfshihej në atë kohë edhe LSI e PDIU tani në opozitë), patën marrë sëbashku 840 mijë vota.
Ndonëse javët para ditës së zgjedhjeve ishin nga më të dhunshmet që skena politike shqiptare ka parë përgjatë viteve të fundit, vetë dita e zgjedhjeve shënoi pothuajse zero incidente.
Mbështetëst e opozitës, kryesisht ato të Partisë Demokratike, zgjodhën të organizojnë protesta ironike duke u veshur si komunistë të viteve 1980 dhe duke kënduar këngë popullore për të rikujtuar kohën kur shqiptarët kishin vetëm një kandidat dhe ishin të detyruar të votonin, pavarësisht nëse dëshironin apo jo.
Në Korçë, një numër protestuesish zunë qendrën e qytetit duke kërcyer këngë popullore, ndërsa në Tiranë, demokratët i zunë pritë drejtueses së misionit ndërkombëtar të vrojtimit të zgjedhjeve, Ambasadores Audrey Glover, e cila kishte njoftuar një vizitë në shkollën Vasil Shanto. Glover hoqi dorë nga vizita duke deklaruar se situata në këtë qendër votimi ishte “jo e përshtatshme për të vëzhguar”.
Procesi i numërimit të votave pritet të fillojë shpejt dhe pa kontestime. Për shkak se administrimi zgjedhor në Shqipëri është mbështetur që prej shumë kohësh në grupet mikse të përfaqësimit partiak në qendra votimi apo grupe numërimi, në mungesë të opozitës, i gjithë administrimi kontrollohet nga Partia Socialiste.
