Këshilli i Lartë i Prokurorisë reagoi ashpër pas atentatit ndaj prokurorit Albert Kuliçi, ndërsa premtoi t’i japë atij mbrojtje të posaçme. Nga hetimet e para motivet e atentatit janë lidhur me detyrën e prokurorit.
Këshilli i Lartë i Prokuorirsë reagoi ashpër pas atentatit të mëngjesit të sotëm ndaj prokurorit Albert Kuliçi. Në një deklaratë për shtyp KLP e cilësoi sulmin me tritol mbi makinën e prokurorit si një “akt të papranueshëm që synon të intimidojë prokurorin dhe të cënojë mirëfunksionimin e sistemit të drejtësisë penale në luftën kundër krimit”.
KLP u shpreh se e konsideronte “çdo sulm kundër prokurorëve si një atentat terrorist ndaj sistemit të drejtësisë penale”. Ndërkohë në Vlorë menjëhereë pas ngjarjes ishte antari i KLP Tartar Bazaj.
Këshilli në deklaratë premtoi mbrojtje për prokurorin. “Këshilli do t’i sigurojë prokurorit Kuliçi dhe familjes së tij mbrojtje të posaçme”, thuhet në deklaratë. KLP bëri po ashtu thirrje për një hetim sa më të shpejtë të ngjarjes.
Më herët kryetari i Gjykatës së Vlorës Skënder Haluca po ashtu dënoi ashpër sulmin. Në një prononcim për mediat para shtëpisë së prokurorit Haluca tha se sulmi lidhej me detyrën e Kuliçit dhe kryesisht çështjet e abuzimit me pronat dhe dosjet e sekuestrove të pasurive të dyshuara me prejardhje nga kriminale. Haluca tha se ishin sekuestruar më shumë se 4 milion euro pasuri të dyshuar me prejardhje kriminale gjatë dhjetorit. Hetimet në këtë fushë ndiqen nga task-forca kundër krimit ekonomik në Prokurorinë e Vlorës e drejtuar nga Kuliçi.
Drejtori i Policisë së Vlorës Artion Duka po ashtu u shpreh se hetimet ishin fokusuar te një sulm për shkak të detyrës. Duka tha se policia do të kishte shumë shpejt rezultate nga hetimi.
Atentati ndodhi mëngjesin e të shtunës. BIRN mësoi nga policia se kamerat e sigurise kanë filmuar një person të maskuar i cili i afrohet automjetit të prokurorit rreth orës 3.00 të mëngjesit, pak minuta më vonë ndodhi shpërthimi, i cili dëmtoi pjesën e përparme të makinës dhe theu xhamat e godinës aty pranë. Policia ka arritur të marr dëshmitë e 5 personave deri në mesditë, ndërsa po punohej për të rindërtuar lëvizjet e autorit të mundshëm.
Ky nuk është antentati i parë ndaj funksionarëve të drejtësisë gjatë këtij viti. Më herët më 25 nëntor makina e Andri Ymerit gjytar i Gjykatës së Shkallës së Parë në Shkodër u dogj. Ndërkohë që në fillim të nëntorit prokurori i Durrësit Arjan Ndoja u sulmua me armë. Në atentat mbeti i vrarë shoferi i Ndojës, ndërsa prokurori dhe një person i identifikuar si Pëllumb Muharremaj, i cili sipas policisë ka një sërë precedentësh penalë.
Ndërkohë në qytetin e Vlorës shkatërrimi i makinave me zjarr dhe eksploziv është kthyer në një model kërcënimi. Në një investigim të mëparshëm BIRN gjeti se shumica e sulmeve të kësaj natyre nuk zbardheshin.
