Anton Keli 51 vjeç u plagos rënde dhe humbi jetën në spital pas një atentati në një nga lagjet e Rrëshenit.
Një 51 vjeçar u vra në qytetin e Rrëshenit pasditen e të martës. Viktima, Anton Keli, është qëlluar në një nga rrugicat e qytetit dhe ka mbetur fillimisht i plagosur rëndë, por humbi jetën pak pasi u dërgua në spital.
Policia njoftoi se ishte vënë në kërkim të autorëve. “Shërbimet e Policisë të D.V.P. Lezhë, të Komisariatit të Policisë Mirditë dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorëve”, thuhet në njoftimin e saj.
Viktima është i afërm i Tonin dhe Preng Gjinit. I pari u vra në një ngjarje ende pa autorë në gusht të vitit të kaluar. Ndërsa ndaj të dytit pati një atentat me eksploziv në të cilin ai mbeti i plagosur. Policia dyshon paraprakisht se vrasja është e lidhur me një cikël hakmarrjesh mes dy fiseve nga qyteti i Rrëshenit.