Prodhimi i Brendshëm Bruto pësoi për të dytin tremujor rradhazi rritjen e gënjeshtërt me 7% krahasuar me të njëjtin tremujor të një viti më parë, kur rritja ishte minus 3.5%.
Prodhimi i Brendshëm Bruto gjatë tremujorit të tretë të vitit 2021 u rrit me 7% në krahasim me një vit më parë, rritje e furnizuar kryesisht nga rritja e eksporteve. Por krahasimi me tremujorin e tretë të vitit 2020 duket se nuk ndihmon shumë, për shkak se në periudhën korrik-shtator të vitit të kaluar vendi ishte ende pjesërisht i mbyllur dhe duke vuajtur pasojat e pandemisë së koronavirusit. Në tremujorin e dytë të vitit 2020, ekonomia kombëtare u reduktua me 3.53% në krahasim me vitin 2019. Rrjedhimisht, rritja me 7% është në masën 50% e furnizuar nga rënia e një viti më parë dhe jo nga rritja e prodhimit.
Me pak fjalë, kur ekonomia ra me 3.5% në vitin 2020, ajo ra në nivelin 96.47% të vitit 2019. Nga kjo kuotë, ajo u rrit me 7%, gjë që do të thotë se në krahasim me periudhën para krizës, ajo arriti në nivelin 103.11%.
Ekonomia shqiptare pësoi një rritje në masën 18% në tremujorin e dytë të këtij viti, pasi kishte rënë me 11% në tremujorin e dytë të vitit 2020.
