Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Zgjedhje 2023
  • Veting
  • Mjedisi
  • Kosovë
  • SPAK
  • BE
  • Vladimir Putin
  • Olta Xhaçka
  • KLP
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

KPA shkarkon nga detyra prokuroren Natasha Prifti

Kolegji me shumicë votash konkludoi se prokurorja e Lushnjës, Natasha Prifti ka kryer deklarime kontradiktore për gjendjen cash të bashkëshortit para martese dhe për pasuritë e krijuara me këtë burim financiar, duke e bërë të pamundur verifikimin dhe për rrjedhojë është çmuar se nuk mund të zbatohet parimi i proporcionalitetit dhe duhet shkarkuar.

Edmond HoxhajNgaEdmond Hoxhaj
13:32 | 04/07/2022
Në Artikull kryesor Lajme, Lajme
Kohe leximi: 2 minuta
A A
0
Komisionerja Publike kërkon shkarkimin e prokurores Natasha Prifti

Prokurorja Natasha Prifti pas seancës në KPK.

Share on FacebookShare on Twitter

Kolegji i Posaçëm i Apelimit, KPA shpalli të hënën vendimin për shkarkimin nga detyra të prokurores së Lushnjës, Natasha Prifti (Shallapi). Kryesuesja e trupit gjykues te KPA, Rezarta Schuetz sqaroi se, ndryshe nga sa ka vkerësuar Komisioni u Pavarur i Kualifikimit, KPK, prokurorja Prifti nuk arrin nivel të besueshëm në kriterin e pasurisë.

Natasha Prifti (Shallapi) u konfirmua në detyrë nga KPK më 28 maj 2021, pasi mungesat financiare dhe deklarimet e pasakta në kriterin e pasurisë nuk u konsideruan penalizuese. Komisioni u shpreh se e konfirmoi duke aplikuar parimin e proporcionalitetit lidhur me pamjaftueshmërinë financiare.

Operacioni Ndërkombëtar i Monitorimit, ONM vlerësoi se vendimi për konfirmimin në detyrë të Priftit ka mangësi serioze logjike në pjesën arsyetuese dhe i kërkoi institucionit të Komisionerëve Publikë që ta ankimonin atë. Objekti i rekomandimit lidhet me rezultatet e dala nga hetimi administrativ në raport me përfundimet e arritura nga Komisioni për kursimet cash në vlerën 4 milionë lekë të deklaruara nga bashkëshorti i subjektit, ku u bazua dhe ankimi.

Si ish-komisioneri Darjel Sina, ashtu dhe zëvendësuesja e tij, komisinerja Irena Nino kërkuan shkarkimin e prokurores Prifti për deklarim të pasaktë e të pamjaftueshëm lidhur me gjendjen cash të bashkëshortit te saj, si dhe përdorimin e kësaj vlere për krijimin pasurive gjatë martesës.

Gjatë konkluzioneve përfundimtare më 27 qershor, Prifti nëpërmjet avokatit të saj Julian Mërtiri, e cilësoi të pabazuar këtë pretendim duke argumentuar se pasaktësitë në deklarimet e gjendjes cash ishin korrigjuar gjatë deklarimeve të mëparshme në ILDKPKI dhe bazuar në parimet e objektivitetit dhe proporcionalitetit, i konsideroi gjetjet të pamjaftueshme për të sjellë pasojë.

Kryesuesja e Kolegjit, Rezarta Schuetz u shpreh të hënën gjatë shpalljes së vendimit se pasi u dëgjuan konkluzionet e palëve, është arritur në përfundimin se deklarimet kontradiktore për likujditetet cash të bashkëshortit të subjektit dhe për përdorimin e tyre, vendosin Priftin në kushtet e deklarimit të paskatë e të pamjftueshëm. Sipas Schuetz, për rrjedhojë rezulton pamundësi e verifikimit të burimit të pasurive të krijuara gjatë martesës për të cilat është deklaruar se ka shërbyer gjendja cash.

KPA, konkludon se vlera e balancës negative të konstatuar nuk mund të lejojë zbatimin e parimit të proporcionalitetetit. “Për rrjedhojë ka kryer deklarim të pasaktë e të pamjaftueshëm dhe nuk ka arritur nivel të besueshëm për pasurinë”, deklaroi Schuetz dhe shpjegoi se vendimarrja për ndryshimin e vendimit të KPK dhe shkarkimit të Priftit është marrë me shumicë votash.

Natasha Prifti (Shallapi) përfundoi studimet në Shkollën e Magjistraturës në vitin 2008 dhe pas një periudhe stazhi në Fier u emërua prokurore në Prokurorinë e Gjirokastrës. Prej vitit 2012 deri bë shkarkimin nga detyra, ajo e ushtroi funksionin në Prokurorinë e Rrethit Lushnjë.

Etiketa: Kolegji i Posaçëm i ApelimitKPANatasha PriftiProkuroria e Rrethit LushnjeVeting
Tjetri
Ekspertet bëjnë thirrje për kufizimin e ligjit shqiptar për përgjimet

Gjykata pranon kërkesën e SPAK për gjykimin e Ardian Hajdarit

Më të lexuarat

Komisionerja Publike kërkon shkarkimin e prokurores Natasha Prifti

KPA shkarkon nga detyra prokuroren Natasha Prifti

13:32 | 04/07/2022

Procesi i Rindërtimit në Tiranë: Konflikte gjyqësore dhe qindra të skualifikuar

10:41 | 20/09/2023
Magjistratë

KLGj mban peng emërimin e magjistratëve të diplomuar

17:08 | 21/09/2023
Erion Veliaj

Taksa për arsimin, si dështuan investimet me dhe pa PPP

16:21 | 25/09/2023
SPAK njofton sekuestrimin e pasurive të “Ben Qimes” në Fier

Alibia e ish-gjyqtarit të Gjykatës Kushtetuese për pasurinë: “E motra ka qarkulluar 20 milionë euro’

19:38 | 20/09/2023
Kujtim Vranici

Gjyqtari Kujtim Vraniçi konfirmohet në detyrë

12:42 | 19/09/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.