Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Zgjedhje 2023
  • Veting
  • Mjedisi
  • Kosovë
  • SPAK
  • BE
  • Vladimir Putin
  • Olta Xhaçka
  • KLP
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi KPA

KPA lë në fuqi shkarkimin e Spartak Çoçolit

Kolegji ka vendosur në mënyrë unanime që të rrëzojë ankimin e ish-prokurorit të Gjirokastrës, Spartak Çoçoli të ngritur ndaj vendimit të Komisionit që e shkarkoi atë për probleme të figurës dhe profesionalizmit, pak kohë para se të dënohej për “korrupsion pasiv” në një proces penal.

Edmond HoxhajNgaEdmond Hoxhaj
12:00 | 08/07/2022
Në KPA, Lajme, Veting
0

Seanca e KPK-së për prokurorin e Gjirokastrës, Spartak Çoçoli. Foto: Edmond Hoxhaj

Share on FacebookShare on Twitter

Kolegji i Posaçëm i Apelimit, KPA njoftoi mbrëmjen e të enjtes më 7 korrik vendimin për lënien në fuqi të vendimarrjes së Komisionit të Pavarur të Kualifikimit, KPK për shkarkimin nga detyra të ish-prokurorit të Gjirokastrës, Spartak Çoçoli.

Spartak Çoçoli u shkarkua më 16 korrik 2020 nga KPK, pasi u kishte mbijetuar për vite me radhë informacioneve për veprime të kundraligjshme, një procedimi disiplinor dhe një kallëzimi penal që ngrinte dyshime për përfshirjen e tij në korrupsion.

Shkarkimi nga KPK ishte i pritshëm, pasi paralelisht me procesin e vetingut, Çoçoli po gjykohej për “korrupsion pasiv” në Gjykatën e Posaçme kundër Korrupsionit dhe Krimit të Organizuar që e dënoi më 9 shtator 2020 me dy vjet burgim, por që u konvertua me 4 vjet shërbim prove.

Në njoftimin e KPA-së sqarohet se pasi trupi gjykues i kryesuar nga Rezarta Schuetz, me relatore Albana Shtyllën dhe anëtare Ina Rama, Mimoza Tasi dhe Natasha Mulaj, shqyrtoi në dhomë këshillimi ankimin e Çoçolit kundër vendimit të Komisionit, vendosi në mënyrë unanime ta rrëzojë atë duke lënë në fuqi shkarkimin e këtij subjekti rivlerësimi.

Vendimi i arsyetuar i KPK-së tregon se agjencitë ligjzbatuese kishin pasur informacione prej vitit 2007 për përfshirjen e Çoçolit në veprimtari të kundraligjshme – por ato nuk ishin adresuar përpara nisjes së procedimit penal ndaj tij në vitin 2019.

Gjithashtu, një procedim disiplinor i Prokurorisë së Përgjithshme ishte mbyllur me “Vërejtje” në vitin 2012, ndërsa një kallëzim penal për marrje ryshfeti ishte pushuar në vitin 2015.

Etiketa: Kolegji i Posaçëm i ApelimitProkuroreProkuroria e Rrethit Gjirokastër
Pas

KPK e gjeti Elveta Murrën me pamundësi financiare në vlera të mëdha

Tjetri

Inflacioni kërcen në 7.4%, ushqimet shkaktojnë pjesën dërrmuese të rritjes

Tjetri
Inflacion i lartë dhe rrezik stanjacioni

Inflacioni kërcen në 7.4%, ushqimet shkaktojnë pjesën dërrmuese të rritjes

Më të lexuarat

KPA lë në fuqi shkarkimin e Spartak Çoçolit

12:00 | 08/07/2022
Erion Veliaj

Taksa për arsimin, si dështuan investimet me dhe pa PPP

16:21 | 25/09/2023
Suela Salavaçi kundërshton bilancet negative për pasuritë e dhuruara nga prindërit

Suela Salavaçi kundërshton bilancet negative për pasuritë e dhuruara nga prindërit

16:37 | 26/09/2023
Agron Bushati

Prokurori i Shkodrës, Agron Bushati konfirmohet në detyrë

16:43 | 27/09/2023
Kolegji njihet me parashtrimet në çështjen e gjyqtarit Arbër Çela

Kolegji njihet me parashtrimet në çështjen e gjyqtarit Arbër Çela

19:59 | 28/09/2023
Prokurorja Suela Salavaçi konfirmohet në detyrë

Prokurorja Suela Salavaçi konfirmohet në detyrë

11:58 | 28/09/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.