Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Zgjedhje 2023
  • Veting
  • Mjedisi
  • Kosovë
  • SPAK
  • BE
  • Vladimir Putin
  • Olta Xhaçka
  • KLP
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

Afati i reformës zgjedhore zgjatet me 6 muaj

Deputetët e mazhorancës dhe opozitës në komisionin e reformës zgjedhore kërkuan me konsensus zgjatjen me 6 muaj të afatit, ndërsa komisioni nuk ka kryer deri më tani asnjë produkt real.

Blerina GjokaNgaBlerina Gjoka
15:26 | 06/09/2022
Në Lajme
0
Afati i reformës zgjedhore zgjatet me 6 muaj

Bashkëkryeatarët e komisionit të reformës zgjedhore, Damian Gjiknuri dhe Enkelejd Alibeaj. Foto: LSA

Share on FacebookShare on Twitter

Me konsensus politik, mazhoranca dhe opozita vendosën të martën që të shtyjnë me 6 muaj të tjerë afatin e komisionit për Reformën Zgjedhore, pasi komisioni nuk arriti të funksiojë në afatin e parë 6-mujor.

Dy bashkëkryetarët, Damian Gjknuri nga PS dhe Enkelejd Alibeaj nga PD, nuk dhanë arsye për vonesën e gjatë për të nisur nga puna, por u shprehën optimistë se do të arrijnë të realizojnë reformën në afatin e ri.

“Besoj se 6 muaj janë një periudhë e nevojshme dhe e mjaftueshme për të realizuar objektivat që i kemi vënë vetes,” tha Gjiknuri.

Komisioni për reformën zgjedhore u ngrit me vendim të Kuvendit me datë 10 shkurt, por nuk arriti të ketë asnjë produkt real pune në 6 muajt e parë. Gjatë kësaj periudhe u zhvillua vetëm një mbledhje për konstituimin e tij, ku palët shprehën skepticizmin për realizimin e një reformë të gjithpranuar nga politika.

Sipas propozimit Alibeaj-Gjiknuri komisioni do të funksionojë deri më 10 mars 2023, por vendimi zyrtar për shtyrjen do të merret në seancë plenare.

Të martën u miratuan edhe emrat e ekspertëve, të cilët Gjiknuri i ndau në dy përcaktime, teknikë dhe politikë. Por, deputeti Petrit Vasili e kundërshtoi këtë përcaktim, duke kërkuar që ekspertët të quhen teknikë pavarësisht se vijnë si propozime nga partitë politike.

Alibeaj u kërkoi ekspertëve që në planin e punës të kenë prioritet çështje që janë më emergjente dhe që mund të prekin zgjedhjet vendore, të cilat mbahen në gjysmën e parë të vitit që vjen.

Komisioni ka si objektiv realizimin e ndryshimeve të nevojshme ligjore duke u bazuar në rekomandimet e fundit të Prezencës së OSBE-së në Tiranë.

Raporti përfundimtar i monitoruesve të zgjedhjeve të 25 prillit 2021 kritikoi qeverinë e kryeministrit Edi Rama për abuzime me pushtetin  gjatë fushatës, ndërsa Partia Demokratike u kritikua për ngritjen e “strukturave paralele” të mbrojtjes së votës. Ky raport i cilësoi të besueshme akuzat për blerje të votës.

 

Etiketa: Damian GjiknuriEnkelejd AlibeajKuvendi i ShqiperiseReforma zgjedhore
Pas

Bajram Breçani shkarkohet nga detyra

Tjetri

Shqipëria ndërpret marrëdhëniet diplomatike me Iranin

Tjetri
Rama: Qeveria do paguajë inceneratorët, por jo Francesco Becchettin

Shqipëria ndërpret marrëdhëniet diplomatike me Iranin

Më të lexuarat

Afati i reformës zgjedhore zgjatet me 6 muaj

Afati i reformës zgjedhore zgjatet me 6 muaj

15:26 | 06/09/2022
Punësimet elektorale frynë administratën e bashkive përpara zgjedhjeve vendore

Punësimet elektorale frynë administratën e bashkive përpara zgjedhjeve vendore

11:17 | 02/10/2023
‘Për vota dhe qoka’: Ndërmarrjet publike vuajnë nga humbjet dhe emërimet politike

‘Për vota dhe qoka’: Ndërmarrjet publike vuajnë nga humbjet dhe emërimet politike

11:40 | 28/09/2023
Kolegji njihet me parashtrimet në çështjen e gjyqtarit Arbër Çela

Kolegji njihet me parashtrimet në çështjen e gjyqtarit Arbër Çela

19:59 | 28/09/2023
Agron Bushati

Prokurori i Shkodrës, Agron Bushati konfirmohet në detyrë

16:43 | 27/09/2023
Lufta për tenderin 19 milionë euro vendosi nën akuzë ish-drejtoreshën e rrugëve

Lufta për tenderin 19 milionë euro vendosi nën akuzë ish-drejtoreshën e rrugëve

18:17 | 03/10/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.