Prokurori Armand Gurakuqi i Prokurorisë së Tiranës do të përballet të mërkurën më 26 prill me Komisionin e Pavarur të Kualifikimit. Procesi i tij i vetingut po kryhet nga trupa e përbërë nga Genta Tafa Bungo, Lulzim Hamitaj dhe Valbona Sanxhaktari.
Armand Gurakuqi përfundoi studimet në Shkollën e Magjistraturës në vitin 2003 dhe punon prej gati dy dekadash si prokuror i Prokurorisë së Rrethit Tiranë.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet pasurinë familjare të deklaruar nga prokurori Armand Gurakuqi nga viti 2003 deri në fund të vitit 2018. [Kliko për skedën në PDF].
Në deklarimin për herë të parë në vitin 2003, prokurori Armand Gurakuqi zotëronte pasuri me vlerë 934 mijë lekë, ndërsa në fund të vitit 2018, pasuria e tij familjare kap vlerën e 13.9 milionë lekëve.
Gurakuqi zotëron familjarisht pasuri të paluajtshme me vlerë 9.5 milionë lekë, pasuri të luajtshme prej 2 milionë lekësh, kursime të akumuluara në cash prej 1.4 milionë lekësh si dhe likujditete bankare prej 940 mijë lekësh.
Të ardhurat familjare për periudhën e deklarimit janë 29.9 milionë lekë, nga të cilat gati 59% kanë si burim pagën e subjektit, 29% pagën e familjarëve dhe gati 5% të ardhurat nga qiraja. Një masë e vogël prej 1.3% e totalit ka si burim të ardhurat nga mësimdhënia.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 16 vite të deklarimit, dy prej deklaratave rezultojnë me probleme.
Subjekti Armand Gurakuqi rezulton me burime të pamjaftueshme financiare për shtimin e pasurisë për vitin 2007 dhe 2010, përkatësisht në shumat 1,296,827 lekë dhe 82,823 lekë, pa llogaritur në këtë analizë shpenzimet mesatare vjetore për konsum familjar.
Në vitin 2007, subjekti deklaron blerje apartamenti me vlerë 40,500 euro për pagesën e së cilës ka marrë kredi bankare 20,000 euro, ndërsa për diferencën është e paqartë nësë është paguar apo jo dhe cilat janë burimet. Në përshkrimin e këtij aseti thuhet që kontrata premtim/shitje mban datën Maj 2005, por në deklarimin Periodik/Vjetor 2005 nuk rezulton të jetë deklaruar.
Në vitin 2009 subjekti deklaron shtimin e një apartament banimi me vlerë 4,600,000 lekë, nga të cilat paguan 4,000,000 lekë me burim huamarrjen.
Deklarata e pasurisë së vitit 2003
Deklarata e pasurisë së vitit 2004
Deklarata e pasurisë së vitit 2005
Deklarata e pasurisë së vitit 2006
Deklarata e pasurisë së vitit 2007
Deklarata e pasurisë së vitit 2008
Deklarata e pasurisë së vitit 2009
Deklarata e pasurisë së vitit 2010
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Deklarata e pasurisë së vitit 2018
Për më shumë dokumente vizitoni databazën tonë dokumente.reporter.al
