Zgjedhje 2023, rezultatet Bashkia Kamëz dhe anëtarët e Këshillit Bashkiak (Infografik)

Rreth 47 mijë votues morën pjesë në zgjedhjet e 14 majit 2023 në Bashkinë Kamëz, nga të cilët, 28 mijë votuan për një mandat të dytë për kryebashkiakun Rakip Suli të Partisë Socialiste ndërsa 18 mijë të tjerë votuan për një nga dy kandidatët e opozitës, 16 mijë për kandidatin e Bashkë Fitojmë Arjan Hoxha dhe rreth 2 mijë kandidati i Partisë Demokratike Biblil Bajraktari. Pjesëmarrja në Kamëz ra nga 52% që ishte në vitin 2021 në 44%, gjë që u shoqërua me rritje të konsiderueshme në vota për partinë në pushtet dhe rënie dramatike për opozitën. Suli mori gati 6 mijë vota më shumë nga sa kishte marrë Partia Socialiste dhe Partia Socialdemokrate sëbashku në zgjedhjet e vitit 2021 ndërsa të dy kandidatët e opozitës sëbashku morën 11 mijë vota më pak nga sa kishin marrë Partia Demokratike dhe Lëvizja Socialiste për Integrim dy vjet më parë.

Partia Socialiste fitoi 43% të votave dhe 20 nga 41 vendet anëtare të këshillit bashkiak ndërsa Bashkë Fitojmë morën 24% të votave dhe 11 anëtarë. Partia Demokratike zyrtare mori 7.5% të votave dhe 3 mandate anëtarësh ndërsa socialdemokratët e Tom Doshit morën 5.3% të votave dhe zgjodhën dy anëtarë të Këshillit Bashkiak.

Kjo është lista e anëtarëve të Këshillit të Bashkisë Kamëz për mandatin 2023-2027.