Viti 2023 ka qenë plot ngjarje, vizita dhe samite. Në korrik ish-Presidenti i SHBA-së Bill Klinton vizitoi Shqipërinë, në tetor në Tiranë u mbajt samitin Procesit të Berlinit dhe presidenti francez Emanuelle Macron ndaloi gjithashtu në Tiranë.
Gjatë këtij viti nuk munguan as protestat të udhëhequra nga opozita, marshimi i krenarisë i komunitetit LGBT dhe as karnevalet dhe traditat e tjera – qofshin këto pagane apo fetare.
Paraditen e 6 janarit, Kisha Ortodokse ”Apostull Pavli dhe Shën Asti” në Durrës u mbush prej besimtarëve ortodoksë, të cilët ndoqën shërbesën e Bekimit të Madh të Ujit. 6 Janari simbolizon kremtimin e Ditës së Epifanisë/Theofanisë, ose siç njihet ndryshe edhe si Dita e Shfaqjes së Perëndisë dhe Bekimit të Ujit, e lidhur me pagëzimin e Jezusit në ujërat e lumit Jordan. Ndaj dhe tipari kryesor i festës së Epifanisë është Bekimi i Madh i Ujit. “Epifani do të thotë shfaqje e sipërme. Fillimisht ishte vetëm një festë e “shfaqjes së Perëndisë” në botë, në formë njerëzore. Festa quhet shpesh, sikurse edhe në librat e shërbesave ortodokse, Theofani, ose shfaqje e Jisuit”, citohet në deklaratën e Kishës Ortodokse Autoqefale të Shqipërisë. Kjo festë kremtohet në qytete të ndryshme të Shqipërisë, si Berat, Tiranë, Fier, Korçë dhe Pogradec me hedhjen e kryqit në një hapësirë ujore si det, liqen apo lumë, ndjekur nga një grup të rinjsh të cilët notojnë për ta kapur atë.
Dhjetëra këpucë të kuqe u vendosën në sheshin “Nënë Tereza”, në Tiranë, si protestë dhe kujtim i të gjitha grave që kanë humbur jetën prej dhunës.
Në përfundim të Pashkëve Ortodokse, përgjatë rrugicave të fshatit të Nartës dëgjohen tingujt e klarinetës dhe zërat e gëzueshëm të dhjetëra të rinjve, të cilët gjallërojnë sheshin kryesor pranë kishës Shën e Diela, përgjatë tre ditëve të karnavaleve. Karnavalet e Nartës janë një festë që e karakterizon këtë fshat ortodoks dhe nuk ngjasojnë me asnjë kremtim tjetër në vend.
“E shihja Shqipërinë dhe paraqitej në çdo orë mësimi si mister i pamatë dhe i mbyllur përtej botës. Mos hyni! Pyesja veten si do të jetë aty. Kurrë nuk ma merrte mendja që do të vija si president,” – tha ish presidenti amerikan Klinton në fjalimin e tij sa emocional aq dhe diplomatik përpara personaliteteve të njohura shqiptare të cilët ishin mbledhur pasditen e sotme (3 korrik 2023) në bulevardin “Dëshmorët e Kombit” në Tiranë për ta nderuar në vizitën e tij.
Me pjesëmarrjen më të ulët historike, Partia Socialiste realizoi fitore të mëdha në të gjithë vendin në zgjedhjet për qeverisjen vendore më 14 maj 2023, e ndihmuar nga Partia Socialdemokrate e Tom Doshit . Minimalisht 300 mijë qytetarë nuk morën pjesë në votime, duke sjellë një humbje të thellë për opozitën.
Protestat e studentëve të mjekësisë nisën në muajin qershort kur flitej për mundësinë e një projektligji që do i detyronte ata të punonin në Shqipëri të paktën pesë vite pas diplomimit. Projektligji më pas u miratua në Parlament më 21 Korrik 2023, pavarësisht kundërshtimit të studentëve. Në nëntor 2023, Gjykata Kushtetuese e pezulloi përkohësisht ligjin deri në shqyrtimin e çështjes në themel.
Samiti i 10-të i procesit të Berlinit u mbajt në tetor në Tiranë, ku liderët e Bashkimit Europian premtuan një plan për rritjen ekonomike për zhvillimin e tregut rajonal në Ballkanin Perëndimor, por të kushtëzuar nga reformat.
