Prokuroria e Posaçme Kundër Korrupsionit dhe Krimit të Organizuar, SPAK njoftoi të premten më 9 shkurt konfiskimin e pasurive të Gëzim Cafit, i deklaruar fajtor në vitin 2005 për “Vrasje me paramendim”, e kryer në bashkëpunim, e mbetur në tentativë e “Mbajtje pa leje e armëve dhe municioneve luftarake”; si dhe të pronave të personave të lidhur.
Më kërkesë të SPAK, gjykata respektive ka vendosur më 22 qershor të vitit të kaluar të konfiskojë pasuritë që ishin të regjstruara në emër të një familjareje të tij, konkretisht një truall me sipërfaqe 900 m2 dhe një objekt tre katësh me destinacion bar- restorant-hotel, në Shkodër.
Në njoftim thuhet se hetimi pasuror është bazuar mbi të dhënat e Operacionit Forca e Ligjit, OFL, e krijuar në shkurt të vitit 2020 bazuar në një akt normativ. OFL u dërgoi në muajin maj formularin për vetëdeklarimin e pasurisë katër personave në Shkodër, mes tyre dhe Gëzim Cafit.