Prokurorja e Prokurorisë së Posaçme, Manjola Kajana kërkoi të hëhën më 28 tetor deklarimin fajtor të ish-prefektit të Kukësit, Granit Gjana, për abuzime me tenderat në kohën kur ai në cilësinë e ish-nënkryetarit të Bashkisë Kukës, kishte marrë detyrat e eprorit të tij, Safet Gjici, pas dorëheqjes së këtij të fundit si pasojë e shpërdorimit të detyrës, gjatë një afere seksuale në zyrën e tij.
Kajana kërkoi të hënën dënimin e Gjanës për veprën penale “Shkelja e barazisë së pjesëmarrësve në tendera apo ankande publike”, në dy rate, në total më 1 vit e 6 muaj burgim, që në aplikim të gjykimit të shkurtuar mbetet 1 vit heqje lirie. Ndërkohë, prokurorja Kajana kërkoi pezullimin e dënimit dhe vendosjen e Gjanës në dy vjet shërbim prove. Po ashtu, u kërkua dhe dënimi plotësues me heqjen e të drejtës për ushtrimin e funksionbeve publike për 5 vjet.
Gjana, u akuzua se kishte shkelur barazinë në tendera duke mos kryer detyrat funksionale, që kanë sjellë pengimin e një kompanie për t’u kualifikuar në procedurat e një tenderi për blerje karburanti.
